Biz korrupsiyaga qarshimiz
9-dekabr "Xalqaro korrupsiyaga qarshi kurashish kuni" munosabati bilan davom etayotgan Aksilkorrupsiya haftaligi doirasida 6-dekabr Buxoro davlat universiteti faollar zalida Maktabgacha va boshlang'ich ta'lim fakulteti talabalari tomonidan bayram tadbiri o'tkazildi.
Yig'ilgan talabalarga korrupsiya haqida ma'ruza qilish uchun Buxoro davlat universiteti Korrupsiyaga qarshi kurashish "Komplaens-nazorat" bo'limi boshlig'i Y. K. Quliyev so'zga chiqdilar va bugungi kunda korrupsiyaga qarshi kurashish chora-tadbirlari bo'yicha amalga oshirilayotgan yangi qonunlar va ijrolar borasida so'zladilar.
Yurtimizning korrupsiyaga qarshi kurashish bo'yicha davlat siyosati, qabul qilinayotgan huquqiy hujjatlar va hududiy kengash faoliyati to'g'risida ma'lumotlar berildi. Prezidentimiz fikrlari hamda statistik ma'lumotlar ham keltirib o'tildi.
Shu bilan birga, talabalar ijrosida musiqiy chiqishlar va mavzuga doir sahna ko'rinishlari namoyish etildi.
Tadbir so'ngida faol ishtirok etgan talabalar taqdirlanishdi. Korrupsiyaning zararli illat, jamiyat kushandasi ekanligini aks ettirovchi bu kabi tadbirlar hali davom etadi.
BuxDU Korrupsiyaga qarshi kurashish "Komplaens-nazorat" bo'limi
