Korrupsiya dunyo miqyosida hal etilishi lozim bo'lgan global muammolardan biridir. Shu bois unga qarshi kurash xalqaro ahamiyat kasb etib, jahon siyosatining muhim masalalari qatoridan joy olgan.
Bugun Buxoro yoshlari yana bir tanlovni viloyat bosqichini o'tkazishdi. Oliy ta'lim muassasalari talabalari, akademik litsey va kasb-hunar kollejlari hamda umumta'lim maktablari o'quvchilari o'rtasida "Biz yoshlar yurtimizga xizmat qilishda vijdonli, insofli va halol bo'lishimiz shart" shiori ostida "Eng yaxshi plakat", "Eng yaxshi rasm", "Eng yaxshi bayon" nominatsiyalari bo'yicha Respublika tanlovining viloyat bosqichi bo'lib o'tdi. Yoshlarning korrupsiyaga qarshi kurashish bo'yicha bilimlarini yanada mustahkamlash maqsadida tashkil etilgan tanlovda yoshlar o'zlarining ijodiy ishlari bilan ishtirok etishdi.
-Mamlakatimizda korrupsiyaga qarshi kurashish borasida mustahkam asos yaratilgan, - deydi Yoshlar ittifoqi Buxoro viloyat Kengashi a'zosi Islom Sharipov. Bugungi bo'lib o'tayotgan tanlov ham yoshlar, ularning huquq va manfaatlarini har tomonlama himoya qilish, jamiyatda o'z o'rinlarini topishga ko'maklashishda muhim ahamiyat kasb etadi. Tanlov davomida ko'plab ijodkor yoshlarni kashf etdik hamda o'z iqtidorlari va ijod mahsullarini namoyish etishlari uchun imkoniyat yaratishga harakat qildik.
Tanlov ayniqsa, ta'lim tizimida korrupsiyaning har qanday ko'rinishiga barham berish hamda yoshlarning huquqiy savodxonligini oshirishda muhim ahamiyat kasb etadi.
Tanlov natijalariga ko'ra "Eng yaxshi plakat" nominatsiyasi bo'yicha Axmedova Nigina, "Eng yaxshi rasm" nominatsiyasi bo'yicha Islomov Jaloliddin, "Eng yaxshi bayon" nominatsiyasi bo'yicha Po'lotova Zilola g'oliblikni qo'lga kiritdi hamda Respublika bosqichiga yo'l oldi.
