2020 yil 25-dekabr kuni Buxoro davlat universiteti Iqtisodiyot va turizm fakultetida Iqtisodiyot kafedrasi hamda Buxoro viloyati prokuraturasi hamkorligida “Korrupsiya - illat, uni o‘zbekistonda bartaraf etish va oldini olish chora-tadbirlari” mavzusida ma’naviy-ma’rifiy tadbir o‘tkazildi. Ushbu tadbirda Buxoro davlat universiteti Iqtisodiyot va turizm fakulteti dekani D.Sh.Yavmutov, Iqtisodiyot kafedrasi mudiri A.A.Abdulloyev, Iqtisodiyot va turizm fakulteti yoshlar masalasi bo‘yicha dekan o‘rinbosari L.Jiyanov, Iqtisodiyot va turizm fakulteti Xotin-qizlar maslahati Kengashi raisi G.S.Narzullayeva, fakultet professor-o‘qituvchilari va 50 nafar talaba-yoshlar qatnashdilar.
Buxoro davlat univerisiteti “Iqtisodiyot va turizm” fakulteti dekani tadbirni kirish so‘zi bilan ochib berdi va boshqarib bordi. Dastlab u uchrashuvni qisqacha mazmuni bilan yig‘ilganlarni tanishtirib o‘tdi. Tadbirda tashrif buyurgan mehmon Buxoro viloyati prokraturasiga qarashli Korrupsiyaga qarshi kurashish bo‘limi boshlig‘i Akmal Toshpo‘latovni tanishtirdi.
Tadbirda Akmal Toshpo‘latov Korrupsiyaning tarixiy o‘zaklari juda juda qadimga borib taqalib, bu hol qabilada ma’lum mavqega ega bo‘lish uchun qabila sardorlariga sovg‘alar berish odatidan kelib chiqqan deb tahmin qilinadi. O‘sha davrlarda bu normal holat sifatida qabul qilingan. Biroq davlat apparatining murakkablashuvi va markazlashuvi korrupsiyaning davlat rivojlanishiga katta to‘siq ekanligini ko‘rsatdi. Mazkur illat demokratiya va huquq ustuvorligi asoslariga putur yetkazadi, inson huquqlari buzilishiga olib keladi, bozorlar faoliyatiga to‘sqinlik qiladi, hayot sifatini yomonlashtiradi va odamlar xavfsizligiga tahdid soladigan uyushgan jinoyatchilik, terrorizm va boshqa hodisalar ildiz otib, gullashi uchun sharoit yaratib beradi deb aytib o‘tdi.
Iqtisodiyot kafedrasi mudiri A.J.Abdullayev so‘zga chiqib, nega endi biz ta’lim sohasini korrupsiya qo‘liga berib qo‘yishimiz kerak, nega biz o‘z oilamiz va xalqimizni himoya qilmasligimiz kerak. Ta’lim sohasida korrupsiyaga qarshi keskin choralar ko‘rilyapti, lekin bu yetarli darajada emas. Endilikda, ta’lim tizimidagi kadrlarga e’tibor berishda ularning o‘qigan oliy o‘quv yurti, ustozlari va shaxsiy fazilatlari obdon o‘rganilmog‘i lozim. Shunday qilinsa, ochiqdan-ochiq korrupsiya, tanish-bilishchilik kabi illatlarning oldi ma’lum darajada olingan bo‘lur edi.
Korrupsiya yoshlardagi eng muhim fazilat - o‘qishga bo‘lgan ishtiyoq va kelajakka ishonchini so‘ndirishini nahotki soha vakillari his etishmasa. Kimyogarlar tili bilan aytganda “Korrupsiya – bu jamiyatning korroziyasidir”, deb ta’kidladi.
M.A.Oripov so‘zga chiqib, ta’lim tizimida ushbu illatni yo‘q qilishda jamoatchilik nazoratining ahamiyati juda katta. Shunday ekan bu illatga qarshi kurashishda barchamiz birga harakat qilishimiz zarur deb ta’kidladi.
O‘tkazilgan uchrashuv davomida “Iqtisodiyot va turizm” fakultetining iqtidorli talabalari tomonidan o‘z savollarini berishib, kerakli javoblarini olishdi hamda o‘z fikrlarini bildirib o‘tdilar.
Uchrashuv yakunida Buxoro davlat univerisiteti “Iqtisodiyot va turizm” fakulteti dekani D.Sh.Yavmutov barcha tadbir ishtirokchilariga o‘z minnatdorchiligini bildirgan holda tadbirni yakunladi.
