Аmaliyotchi psixolog kasbi individual va guruhli psixologik yordam , diagnostika, maslahat va psixoterapevtik mashgʼulotlarni oʼz ichiga oladi. U umumiy va klinik psixologiya boʼyicha bilimga ega boʼlishi, rivojlanish psixologiyasini tushunishi, psixodiagnostika va oilaviy terapeya usullaridan foydalangan holda oila va shaxslar aro munosabatlar bilan ishlashi kerak.
Аmaliyotchi psixolog muayyan usullardan foydalangan holda psixodiagnostika oʼtkazadi. Shaxsiy xususiyatlar va idrokni, temperament turini, hatti-harakatlarni hisobga olgan holda mijoz bilan ishalash rejasini tuzadi. Mijozga individual yeki guruh bilan ishlayotgan boʼlsa, guruh ichida maslahatlar beradi.
Zamonaviy psixolog nimalarni bilishi va nimalarni bajara olishi kerak?
- Mavjud muammolarga tashxis qoʼyish va ularni bartaraf eta olish;
- Tashxis uchun muhim boʼlgan test. Soʼrovnomalarni tuzish, oʼtkazish va taxlil qilishni bilish;
- Psixologik tadqiqotlar va maslahatlar oʼtkazish;
- Mijozning psixologik holatini taxlil qilish;
- Shaxsning psixologik portretini chizish;
- Treninglar tashkil etish;
- Markaziy asab tizimining anatomiyasi va tana tuzilishini bilishi ;
- Umumiy kasalliklarning belgilari va ayniqsa, nevrologiya bilan bogʼliq boʼlgan kasalliklarni bilishi kerak. Chunki psixosomatik holatlar koʼp uchraydi.
- Hujjatlarni yuritish.
Аmaliyotchi psixolog nimani davolaydi?
Bu soha mutaxassislari insonlardagi jiddiy ruhiy kasalliklar bilan bogʼliq boʼlmagan, yaʼni ruhan sogʼlom insonlardagi shaxsiy, oilaviy va kasbiy qiyinchiliklarni yengishda yordamlashadi. Аmaliyotchi psixolog insonning umumiy psixologiyasi, yosh va ijtimoiy psixologiyani yaxshi bilishi zarur. Shu bilan birga psixoemotsional zoʼriqish va stressli vaziyatlardan chiqish boʼyicha psixodiagnostika, yordam va maslahat xizmatlarini koʼrsatadi.
Psixolog kasbining kamchiliklari:
- Uzoq vaqt oʼqish. Yaʼni amaliyotchi psixolog oliy maʼlumotli boʼlishi, amaliyotni oʼtashi, katta tajriba orttirishi, doimiy ravishda rivojlanishi va malaka oshirishi kerak.
- Doimiy terapeyada boʼlish zarurati
- Doimiy negati va muammolar ichida boʼlganligi uchun hissiy zoʼriqishda boʼladi.
- Yuqori masʼuliyatda boʼlishi talab etiladi.
Аmaliyotchi psixolog Dilbar Hamdamova
