• Baxtli insonlar kunini shukronalik bilan boshlaydi. Ular ajoyib tong uchun, derazadan tashqaridagi quyoshli kun uchun, atrofingizdagi yaqin doʼstlar uchun, qiziqarli ish uchun, oʼtkinchining oddiy tabassumi uchun Olloxga va koinotga minnatdorchilik bildirishni unutmaydilar. Baxtli odamlar oʼzlari uchun yaxshilik qilgan odamlarga chin dildan minnatdorchilik bildiradilar va minnatdorchilik, hamdardlik va quvonchni bajonidil qabul qiladilar.
• Baxtli odamlar tabassum qiladilar. Tabassum – bu juda yuqumli holat, u odamlarni jalb qilishga yordam beradi va baxtli odamlarni yanada jozibali qiladi. Bundan tashqari, tabassum (hatto koʼzguda oʼzingizga tabassum ham) kayfiyatingizni koʼtaradi.
• Baxtli odamlar oʼzlarini boshqalar bilan solishtirmaydilar, odamlar ular haqida nima deb oʼylashlari haqida qaygʼurmaydilar va hech qachon oʼzlariga achinmaydilar. Ha, ularning xolasi yeki qoʼshnisi ular haqida nima deb oʼylashini oʼylashga vaqtlari yoʼq, chunki bunday fikrlar ularni erkin va baxtli his qilishlariga xalaqit beradi. Odamlarni bir-biriga taqqoslash umuman notoʼgʼri; har kimning isteʼdodi va qobiliyati har xil. Har bir insonning oʼziga xos rivojlanish trayektoriyasi bor.
• Baxtli odamlar doim pozitiv fikr axtaradilar va eng yaxshisiga ishonadilar. Bundan tashqari, ular chin dildan ishonib, "hamma qilingan narsa yaxshilik uchun" deb takrorlaydilar. Baxtli odamlarning strategiyasi:
– “atrofimizdagi barcha odamlar bizning ustozlarimizdir” va ularning har biri bizga nimanidir oʼrgatadi:
- bagʼrikenglik, vazminlik, halollik, mehribonlik – bu strategiyaga toʼliq mos keladi.
- biz bilan sodir boʼladigan har bir narsa bizga bebaho tajriba orttirishga va dunyoviy donolikka ega boʼlishga yordam beradi.
• Baxtli odamlar boshqalar bilan yaxshi muloqotga kirishadi va yangi doʼstlar, tanishlar orttirganida xursand boʼladi. Samimiylik, samimiy qiziqish, koʼp his-tuygʼular va hamdardlik ifodalari baxtli odamlarni ajratib turadi. Yangi odamlar bilan tanishish oʼzimizga boʼlgan ishonchni kuchaytiradi, ijtimoiy tarmoqlarimizni kengaytiradi va baxtli boʼlish imkoniyatimizni oshiradi.
• Baxtli odamlar oʼzlarini mehr bilan oʼrab oladilar. Baxtli inson faoliyatida katta-kichik xayrli ishlar albatta boʼladi. Boshqalarga yordam berish va dunyoni mehrli joyga aylantirish baxtli odamlarga baxt keltiradi.
• Baxtli odamlar oʼz tanasi va ruhiyatiga gʼamxoʼrlik qiladi. Muntazam jismoniy faoliyat, meditatsiya va maʼnaviyatni rivojlantirish baxtlilarning sodiq hamrohlaridir. Bunday odamlar doim oʼz-oʼzini bilish va oʼzini rivojlantirishga intiladi.
• Baxtli odamlar oʼzlari yoqtirgan faoliyatni qilishadi. Bu sizning asosiy ishingiz ham, yoki sevimli mashgʼulotingiz ham boʼlishi mumkin. Sevimli mashgʼulot doimo kayfiyatingizni koʼtaradi va sizga ijobiy his-tuygʼularni beradi.
• Baxtli odamlar baʼzan oʼzlariga bola boʼlishga imkon beradi. Bolalar his-tuygʼularini ifodalashda samimiylik va tabassum bilan ajralib turadilar. Bolaning koʼzi bilan dunyo yanada baxtli koʼrish mumkin, chunki faqat qiziquvchan bolalar atrofdagi kutilmagan va kulgili narsalarni payqab oladilar, quvnoq kulgilari bilan kattalarning kulrang kundalik hayotini yoritadilar.
Baxtli odamlar bor narsadan zavqlanib, bugun uchun yashaydilar. Nega oʼtmish xotiralari yoki kelajak orzulari bilan yashash kerak? Baxtli odamlar his-tuygʼularini yashirmasdan va his-tuygʼularini "keyinga" qoldirmasdan bugun va hozir bilan yashaydilar. Radiodagi sevimli kuy, sevganingizdan yoqimli sms, guldasta, qiziqarli kitob, doʼstlar bilan yoqimli oqshom – eng asosiysi esa oddiy kundalik narsalardan baxt topishdadir, uni his eta olishdadir.
