2019-yilning 19-sentabr kuni Buxoro viloyat 2-sektorda Buxoro viloyati OTMlarining olimlari, professor-o‘qituvchilari, iqtidorli talabalari ishtirokida “Sharqona odob-axloq” mavzuidagi ma’naviy-ma’rifiy tadbir o’tkazildi. Tadbirni Buxoro davlat universiteti yoshlar bilan ishlash bo‘yicha prorektor A.M. Kadirov ochib berdilar. Tadbirda BuxDU Buxoro tarixi kafedrasi dotsenti, tarix fanlari nomzodi M.B. Qurbonova, BuxDU Buxoro tarixi kafedrasi dotsenti, tarix fanlari nomzodi G‘.N. Kurbanov, BuxDU Buxoro tarixi kafedrasi o‘qituvchisi Sh.U. Bobojonov, BuxDU Islom tarixi va manbashunosligi, falsafa kafedrasi katta o‘qituvchisi Z.I. Narziev, BuxDU Musiqa kafedrasi o‘qituvchisi A. Rajabov, – BuxDU Islom tarixi va manbashunosligi, falsafa kafedrasi o‘qituvchisi A.I. To‘raev, Sh. Jo‘raev hamda BuxDU Tarix va madaniy meros fakulteti “Tarix” va “Buxoro tarixi” ta’lim yo‘nalishi talabalari, San’atshunoslik fakulteti, musiqa ta’lim yo‘nalishi talabalari qatnashishdi. A.M. Kadirov - Buxoro davlat universiteti yoshlar bilan ishlash bo‘yicha prorektor: Yurtimizga ustoz-shogird an’anasini rivojlantiriga alohida e’tibor qaratilmoqda. Nafaqat kasb-hunar sohasida, balki ta’lim tizimida ham ushbu an’anani rivojlantirish dolzarb ahamiyat kasb etmoqda. Bugungi “Sharqona odob-axloq” nomli ma’naviy-ma’rifiy tadbirimiz ham aynan ustoz-shogird masalasiga bag‘ishlanadi. Barchangizga yaxshi kayfiyat tilagan holda bugun talabalarimiz tomonidan tayyorlangan konsert dasturimizni Siz azizlarga baxshida etamiz. Marhamat tinglab tomosha qiling!Sh.U. Bobojonov: Azaldan Buxoroda sharqona odob-axloq normalari yaratilgan. Biz buni o‘tmishda bo‘lgan ko‘plab voqea va misollar yordamida izohlashimiz mumkin. Ilm kabai hisoblangan Buxoroda madrasalarning ko‘p bo‘lgani va unda ustoz-shogird an’analari yaratilgani ma’lum va mashhur. Sharq olamida shogirdlar ustozga alohida ehtirom ko‘rsatishgan. Qunt bilan bergan ilmlarni o‘rganishgan va qat’iy amal qilishgan. Hatto tarixda o‘tgan hukmdorlar ham ustozga peshvoz chiqishgan va e’zozlashgan. Naqshbandiya tariqatini rivojlantirishgan ulamolar ham ulug‘ darajalarga erishishida ustoz-shogird qadriyati orqali erishishgan. Narziev: Talabaning axloq-odob etikasi uning madaniyatini ko‘rsatib turadigan mezondir. Talabalar avvalo, oliy ta’lim muassasallarida qabul qilingan aodob – axloq qoidalari me’yorlariga qat’iy rioya etishlari lozim. Bundan tashqari, talabalar ilm olishda, dars jarayonida ham belgilab qo‘yilgan me’yoriy qoidalarga amal qilishi shart: ilm olishda sabrli bo‘lish, ilmni kibr uchun emas, o‘zligini uchun olish, ilm olishda ixlosli bo‘lish, kamratinlikni etalon qilib olish, manmanlikdan yiroqlashish va o‘z ustida qunt bilan ishlash.
