Joriy yilning 18-may kuni O’zbekiston yoshlar ittifoqi Buxoro viloyati Kengashi hamda “Respublika yosh olimlar kengashi” hamkorligida Buxoro viloyati Yoshlar markazida “Yoshlar ilmiy tadqiqot faoliyatida integratsion maydon” mavzusida ilmiy seminar bo’lib o’tdi. Viloyatning barcha oliy ta'lim muassasalari iqtidorli talabalari, doktorant va mustaqil izlanuvchilari qatnashishdi. Ilmiy seminarda universitet doktoranti O. Qlichev “Rasmiy elchilik qabullariga doir materiallar. Buxoro amirligi va Rossiya imperiyasi o’rtasidagi munosabatlar tarixini o’rganish manbasi” mavzusida o’tkazgan taqdimoti seminar ishtirokchilarida katta qiziqish uyg’otdi.Ilmiy seminar yakunida universitetning iqtidorli talabalari, tayanch doktorant va mustaqil izlanuvchilari mavzu yuzasidan savol- javoblarda faol ishtirok etishdi.
