O‘zbekiston Respublikasi Prezidentining 2017 yil 24 maydagi “Qadimgi yozma yodgorliklarni saqlash, tadqiq va targ‘ib qilish tizimini yanada takomillashtirish chora-tadbirlari to‘g‘risida” gi PQ -2995-sonli qarorining ijrosi bo‘yicha Buxoro davlat universitetida mavjud qo‘lyozma va toshbosma asarlarning saqlanishi holati bo‘yicha ilmiy-amaliy ishlar davom etmoqda. Jumladan, Sharqshunoslik institutining katta ilmiy xodimi, tarix fanlari bo‘yicha falsafa doktori (PhD) Komiljon Rahimov tomonidan BuxDU ARMida mavjud 108 qo‘lyozma va toshbosma asarlarining to‘liq nasnifi va katalogi ilk marotaba mukammal amalga oshirildi. BuxDU ilmiy-amaliy muzey labaratoriyasida 44 ta arab alifbosidagi qo‘lyozma va toshbosma asarlar katalogi va qisqacha tavsifi chop etildi.BuxDU ARMida mavjud 108 qo‘lyozma va toshbosma asarlarining 3 tildagi katalogi ustida ishlar qizg‘in bormoqda. Ma’lumot uchun shuni alohida ta’kidlab o‘tish joizki, katalogining o‘zi 100 betdan iborat. BuxDU rektorinig tashabbasi bilan dastlab, birinchi bosqichda katalogga kirgan qo‘lyozma asarlarning konvert shaklidagi varianti chop etiladi. Konvert ichida asarlarning surati va 3 tildagi tasnifidan iborat otkritkalar joy oladi. Old qismiOrqa tomoniIkkinchi muhim bosqichi – illyustratsiyali katalog kitob bo‘lib, unda qo‘lyozma va toshbosma asarlarining muqovasi, asl varog‘idan namuna keltiriladi. Ostida esa kitobning 3 tildagi tasnifi bo'ladi.BuxDU tuzilmasidagi Qatag‘on qurbonlari xotirasi muzeyi tajribali xodimlari BuxDU ARM xodimlari bilan hamkorlikda ushbu ishlar tizimli ravishda olib bormoqdalar.Dastlab, o‘ta qimmatli qo‘lyozma asarlarning skaner va foto nusxalari tayyorlanmoqda.O‘ta qimmatli qo‘lyozma va toshbosma asarlarni o‘z o‘rnida sifatli restovratsiya qilish ishlari ham amalga oshirilmoqda.BuxDU ARM xodimlariga BuxDU tuzilmasidagi Qatag‘on qurbonlari xotirasi muzeyi tomonidan restovratsiya uchun muhim hisoblangan chet el tajribasida keng qullaniladigan Filmoplast va kalka qog‘ozilari sovg‘a qilindi.Uchinchi bosqichda qilinadigan muhim vazifa BuxDU ARMda qo‘lyozma va toshbosma asarlarning alohida ko'rgazma zalini tashkil qilish bo‘lib, keladigan nufuzli mehmonlarga zamon talabiga mos saqlanayotgan va kelajak avlodga yetkazilish uchun qilingan ishlarni ko‘rsatishdan iborat.Albatta, BuxDU kutubxonasi va muzeylarida bunday noyob qo‘lyozma va toshbosma kitoblarning mavjudligi oliygoh nufuzini yanada oshiradi. Bizning oliygohda saqlanayotgan bunday noyob asarlar chet ellik nufuzli mehmonlarning diqqatiga sazovor bo‘ladi degan umiddamiz.Azalshoh Hazratovich Hamroev – O‘zbekiston tarixchilar jamiyati Buxoro viloyat bo‘lim raisi, BuxDU tuzilmasidagi “Qatag‘on qurbonlari xotirasi” muzeyi direktori
