Quyosh ko‘kda falakning bayrog‘i bo‘lib porlab turibdi, ko‘ngilda muhabbat bayrog‘i hilpiraydi, ongimizni esa tafakkur bayrog‘i nurlantiradi. Davlat ramzlari hamisha muqaddas va ulug‘ sanaladi. Chunki u xalqning o‘tmishi, buguni va kelajagini o‘zida mujassam etgan Vatanning yorqin timsolidir.18 noyabr – “O‘zbekiston Respublikasining Davlat bayrog‘i to‘g‘risida”gi Qonun qabul qilingan kun. Mamlakatimizda har yili davlatimiz bayrog‘i qabul qilingan sanaga alohida etibor qaratilgan bo‘lib, joylarda keng nishonlanib kelinmoqda.Jumladan, BuxDU Maktabgacha va boshlangʻich taʼlim fakulteti Boshlangʻich taʼlim yo'nalishi tyutori Nafosat Rajabova tomonidan "Bayrog'imiz— faxrimiz, g'ururimiz!" mavzusida ma'naviy-ma'rifiy bayram dasturi tashkil etildi.Fakultet Yoshlar bilan ishlash bo'yicha dekan o'rinbosari Nigora Safarova o‘z nutqlarida, Davlat bayrog‘i O‘zbekiston davlat suverenitetining ramzi va xalqaro munosabatlarda mamlakatimiz timsolidir. 1992 yilning 2 martidan O‘zbekiston to‘laqonli suveren respublika sifatida tan olinganining ramzi sifatida Birlashgan millatlar tashkilotining bosh qarorgohi oldida ham hilpiray boshladi. U xalqaro maydonda mamlakatimizning kuch-qudrati, mustaqilligimizning jahonaro ifodasi, xalqimiz g‘ururi va iftixori timsoli ekanligini alohida e’tirof etdilar.Tadbir ko'tarinki ruh va pozitiv kayfiyatda tashkil etildi.
