Buxoro viloyatida istiqomat qilayotgan urush faxriylariga Ikkinchi jahon urushida qozonilgan g‘alabaning 74 yilligi munosabati bilan Prezidentimiz Shavkat Mirziyoyevning tabrigi va pul mukofoti tantanali topshirilmoqda. O`zbekiston Respublikasi Prezidenti Sh.M. Mirziyoyevning joriy yil 23-apreldagi “Ikkinchi jahon urushi qatnashchilarini rag‘batlantirish to‘g‘risida”gi farmoniga muvofiq joylarda urush qatnashchilari bilan uchrashuvlar bo`lib o`tmoqda. Viloyat hokimi O‘ktam Barnoyev “Nuroniy” jamg‘armasi, “Mahalla” xayriya jamoat fondi viloyat bo‘limlari, huquq-tartibot idoralari, OTM rektorlari, prorektorlari, Yoshlar Ittifoqi yetakchisi, harbiylar va faol yoshlar ishtirokida Buxoro shahar, Shirbudin MFY, Shirbudin ko`chasi, 11-muyulish, 78-uyda yashovchi Ikkinchi jahon urushi qatnashchisi Katize Menseitovaning xonadonida bo‘lib, Prezidentimiz tomonidan yo‘llangan bayram tabrigini o‘qib eshittirdi. Bir martalik pul mukofoti, maishiy texnikalar, yumshoq mebellar to‘plami va boshqa qimmatbaho sovg‘alar topshirdi.
