O’zbekiston Respublikasi Prezidentining yoshlar ma`naviyatini yuksaltirish va ularning bo`sh vaqtini mazmunli tashkil etish bo`yicha 5 ta tashabbusining 4- tashabbusi, yoshlar ma`naviyatini yuksaltirish, ular o`rtasida kitobxonlikni keng targ`ib qilish bo`yicha tizimli ishlarni tashkil etishga yo’nalltirilgan tadbirlari doirasida 2019 yil 19 aprel kuni Buxoro davlat universiteti Fizika-matematika fakulteti Matematika kafedrasi professor-o`qituvchilari Buxoro shahar 12- maktabda “Kitob - ilm xazinasi” mavzusida tadbir tashkil qilib o’tkazdilar.Tadbir davomida dotsent T.Rasulov va katta o’qituvchi A.Rashidovlar so’zga chiqib quyidagilarni ta’kidlab o’tdilar. Sakkinchi mo’jiza sifatida e’tirof etiladigan kitob inson qalbining chinakam hamrohi, aql va fikr qayrog’i ekanligini e’tirof qilindi. Kitobxonlik madaniyatini yanada yuksaltirish, bu boradagi ko’nikmalarni yanada kamol toptirish, “Oilaviy kitobxonlik”, “Bir farzandga bir kitob” kabi ezgu tushunchalarni keng targ’ib qilish jamiyat taraqqiyotini belgilovchi muhim omillardan biri ekanligini ta’kidlab o’tildi. Kitob tafakkur va qalb ehtiyojini qondiruvchi omil sifatida inson ruhini tarbiyalashi, uning shaxsi shakllanishida asosiy turtki berishi, kitob mutolaa qiluvchi har qanday inson yuksak ma’naviyatli shaxs bo‘lib yetishishi kabi masalalarga alohida urg’u berildi.
