O‘ZBEKISTON (QASIDA)Betakror hur makonimsan O‘zbekiston, O‘zbekiston,Ham chashm, ham mijgonimsan O‘zbekiston, O‘zbekiston.Sayrab turgan zabonimsan O‘zbekiston, O‘zbekiston,Jahon ichra jahonimsan O‘zbekiston, O‘zbekiston!Ona-xalqim! Sitamlardan yoshlaganing qaroq bo‘ldi,Jaholatda bag‘ring xunob, qo‘llaring-chi, qadoq bo‘ldi,Va nihoyat uyg‘onding-u, tushlar senga saboq bo‘ldi,Ilm-u iymon yo‘llaringni yoritguvchi mayoq bo‘ldi.To‘siqlardan yorib o‘tdi erkka tashna karvonimiz,Biz kim, deya banddan soqit etdi cobiq Sarbonimiz,Qalqon bo‘lay der Vatanga ham yaxshi, ham yomonimiz,To‘lib o‘ynang, jo‘shib kuylang – keldi bugun davronimiz!Tinchliksevar ajdodlarim ruhlarini shod etaylik,Istiqlol deb jon talashgan Kubrolarni yod etaylik,Navoiyga qaytib yana, dil qushin ozod etaylik,Eng avvalo, ko‘ngil uyin, so‘ng yurtni obod etaylik!Jannatlarga andozadir Samarqand, Shosh, Buxorosi,Kuydiradi sanamlarin ajab noz-u, tamannosi,El dardiga darmon bo‘lmoq shoirlarning muddaosi,Ming bor shukur, biz tinch o‘lka – O‘zbekiston fuqarosiKEKSALARNI E‘ZOZLAR BO‘LSANGDuolari quchib boradi,Yoshingga yosh qo‘shib boradi,Martabang ham oshib boradi,Keksalarni e‘zozlar bo‘lsang.Avval, elga xizmat etarsan,Saodatni qismat etarsan,O‘zligingga himmat etarsan,Keksalarni e‘zozlar bo‘lsang.Yo‘qotganing g‘urbat bo‘ladi,Topganing-chi hurmat bo‘ladi,Har kaloming hikmat bo‘ladi, Keksalarni e‘zozlar bo‘lsang. Baxtdan tonib yo baxtga toyib, Xato qilsang, qo‘yadi koyib. Qalb bisoting boradi boyib, Keksalarni e‘zozlar bo‘lsang.To‘siqlardan o‘tib borasan,Sinovlarni yutib borasan.Kamolotga yetib borasan,Keksalarni e‘zozlar bo‘lsang.Boy yo yalqov, qorasan yo oq,Qalb ko‘zi-la atrofingga boq.Sen-la doim yaratgan hamroh, Keksalarni e‘zozlar bo‘lsang MA‘NAVIY MAJRUH ULKI...Insof ko‘chasidan aylanib o‘tar,Madad-muruvvatni oson unutar,Mansab deb shaytonga kaftini tutar,Ma‘naviy majruhlar do‘st bo‘lolmas chin.Jirkanch ehtirosin jilovlay olmas,Mustahkam oila baxtin ko‘rolmas,Oson vayron etar, bunyod etolmac,Ma‘naviy majruhlar do‘st bo‘lolmas chin. Hikmatdan so‘zlasang, yuzin burguvchi,Asossiz g‘oyalar olg‘a surguvchi,Aqlin cho‘ntagiga solib yurguvchi,Ma‘naviy majruhlar do‘st bo‘lolmas chin.Bad nafsi aqliga kishanlar solgan,Havoyi istaklar oromin olgan,Yolg‘onchi dunyoga aldanib qolganMa‘naviy majruhlar do‘st bo‘lolmas chin.Hasad ko‘chasida sarson-sargardon,Alhazar, quvonar to‘kkanida qon,Bilmam, bani bashar yo zoti hayvon,Ma‘naviy majruhlar do‘st bo‘lolmas chin.Firibni kasb etar qo‘rqmay kishandan,Ertasini so‘rar a‘zayimxondan,Baxt-u nasibasin kutar osmondan,Ma‘naviy majruhlar do‘st bo‘lolmas chin.O‘zgalar aybidan kulib so‘z qotar,Mudragan qahringni oson uyg‘otar,Siring arzon olib, qimmatga sotar,Ma‘naviy majruhlar do‘st bo‘lolmas chin.Do‘stim, illatlarni qoralab yashang,Sovuq ko‘ngillarga o‘t qalab yashang,Ezgulik ko‘chatin saralab yashang.Ma‘naviy majruhlar do‘st bo‘lolmas chin.Kasb eting yaxshini e‘zoz etmoqni,Havas-la yurakka pardoz etmoqni,Ranjni saodatga qiyos etmoqni,Ma‘naviy majruhlar do‘st bo‘lolmas chin.Uzr, dilingizdan dard sog‘ib o‘tsam,Tanqid tayog‘i-la men boqib o‘tsam,Yoki yomg‘ir bo‘lib bir yog‘ib o‘tsam,Ma‘naviy majruhlar do‘st bo‘lolmas chin.Mushtipar onasin boshini bukkan,Xoinni qay Vatan bolam der ekan?Eksterimist yo terrorist deganMa‘naviy majruhlar do‘st bo‘lolmas chin!Bilsangiz, yaxshiga rag‘batimdir bu,Yo‘lin yo‘qotganga hikmatimdir bu.Poklik, ogohlikka da‘vatimdir bu:Ma‘naviy majruhlar do‘st bo‘lolmas chin! Buxoro davlat universitetining Pedagogika fakulьteti Suhrob Hamroyevpsixologiya ta‘limi yo‘nalishi 4 – bosqich talabasi
