4-aprel kuni Qozog‘iston poytaxti Nursulton shahrida Barqaror rivojlanish va innovatsiyalar bo‘yicha II-Markaziy Osiyo Forumi o‘z ishini boshladi. Mazkur Forum Markaziy Osiyo hududlari ehtiyojidan kelib chiqqan holda, barqaror rivojlanish sohasida ilmiy asoslangan va aniq chora-tadbirlarni ishlab chiqish, muhokama qilish hamda amalga oshirishni nazarda tutuvchi platforma shaklida tashkil qilingan. Forum ishida Qozog‘iston Respublikasi Prezidenti Administratsiyasi, "Astana" xalqaro moliya markazi, BMT Rivojlanish Dasturi vakillari, Britaniya Kengashi direktori Djim Batteri, Lafboro universiteti (Angliya) prorektori Stiv Rotberg kabilar ishtirok etayotgani tadbirning yuqori maqomda ekanligini ta'kidlaydi. Forumda yosh olimlar, professorlar, biznes kompaniyalarning top-menejerlari, biznes tuzilmalar rahbarlari ishtirok etishmoqda. Quvonarlisi shuki, mazkur forumning o‘zbekistonlik ishtirokchilari qatorida Turizm fakulteti magistranti Shafoat Qodirova ham o‘zining " "Qadim sahrodagi yangi dunyo" eko-turistik kompleksi" mavzusidagi ilmiy ma'ruzasi bilan qatnashmoqda. Shafoatning bugungi taqdimoti forum ishtirokchilarida katta qiziqish uyg‘otdi. Bunday taqdimotlar O‘zbekistonning turistik salohiyatini keng targ‘ib qilishda muhim o‘rin tutishi shubhasizligi ta'kidlab o‘tildi. Biz o‘z magistrantimizning ilmiy izlanishlarida muvaffaqiyatlar tilab, ilmiy rahbari i.f.n. Abror Jo‘rayevga minnatdorchiligimizni bildirib qolamiz. Mannon OtaboyBuxDU matbuot kotibi
