Ayolning nafosati va nazokati, vafo va sadoqati, aql-zakovati va fidoiyligi asrlar mobaynida yer yuzida hayot davomiyligi va abadiyligiga asos bo’lib keladi. Shu bois ham dunyodagi eng buyuk san’at asarlari, qo’shiq va qasidalar, me’moriy obidalar ayollar sha’niga bag’ishlangandir.Oila va jamiyat ustuni, hayotimizning fayzi va ko’rki bo’lgan xotin-qizlarni e’zozlash, ularga hurmat va ehtirom ko’rsatish xalqimiz uchun azaldan buyuk qadriyat bo’lib kelgan, Shu munosabat bilan 2018-yil 3-martda Buxoro davlat universiteti faollar zalida Pedagogika fakulteti talabalari ishtirokida “Sen bahorni sog`inmadingmi?” badiiy-musiqiy tadbiri o‘tkazildi. Tadbir davomida bahor haqidagi kuy va raqslar ijro etildi. Zulfiyaxonimning tavallud topgan kuni munosibati bilan ijodkor talabalar tomonidan she`rlar qiroat etildi. Adiblarning ijodidan sahna ko`rinishlari namoyish etildi. Barcha ishtirokchilar faxriy yorliq va tashakkurnomalar bilan taqdirlandi.
