O‘zbekiston Respublikasi Prezidenti Sh.M.Mirziyoyev tashabbusi bilan qabul qilgan 2017-2021-yillarda O‘zbekiston Respublikasini rivojlantirish bo‘yicha Harakatlar strategiyasida ham yurtimiz mudofaa salohiyatini yanada mustahkamlash va Qurolli Kuchlarimizni rivojlantirish ustuvor yo‘nalishlardan biri sifatida belgilangan. Shu munosabat bilan, 2018 yilning 15-yanvar sanasida BuxDU Talabalar turar joyida shaxmat va shashka musobaqasi tashkil etildi. Unda Pedagogika fakultetining bir qator talabalari hamda ustoz-murabbiylar ishtirok etdilar. Uzoq davom etgan qiziqarli bahslarda sportsevar talabalar bor mahoratlarini ko’rsatib, faol ishtirok etdilar.Dastlab, Islom tarixi va manbashunosligi, falsafa kafedrasi o’qituvchilari Sh.B.Murtozayev, M.R.Shokirov hamda Fakultetlararo chet tillar kafedrasi o’qituvchisi G.S.Hojiyevalar «14 yanvar – Vatan himoyachilari kuni»ga bag’ishlangan ma’ruza qildilar. Unda mazkur bayramning mamlakatimiz ijtimoiy-siyosiy hayotidagi ahamyati xususida gapirib o’tildi. Shundan so’ng musobaqaga start berildi.Musobaqa natijalariga ko’ra Pedagogika fakulteti 2 bosqich 4-1 PPS-16 guruh talabasi D.Hotamova faxrli 1-o’rinni, 2 bosqich 4-1MT-16 guruh talabasi Sh.Avliyoqulov faxrli 2-o’rinni va shu guruh talabasi O’.Muhammedova faxrli 3-o’rinni egalladi.Tadbir so’ngida g’oliblarga fakultetning faxriy yorliqlari topshirildi. Bu kabi sport musobaqalarini tashkil etish — yoshlar qalbida ilm olish, o’z ustida ishlash, sport bilan shug’ullanish orqali sog’lom turmush tarzini yaratish va ijtimoiy hayotda faol bo’lish singari ko’nikmalarni shakllantiradi va mustahkamlaydi, zero, O’zbekiston kelajagi har tomonlama faol, tashabbuskor yoshlar qo’lidadir.
