Talabalarda mehr-muruvvat tuyg‘usini yanada oshirish maqsadida guruh murabbiysi L.J.Jalilova hamda o‘qituvchi N.B.Mahmudova tashabbuslari bilan Filologiya fakulьteti Ingliz filologiyasi yo‘nalishi 2-bosqich talabalari “Bolalarga baxt ulashamiz” shiori ostida Buxoro shahridagi “Muruvvat” nogiron bolalar uchun internat uyiga tashrif buyurishdi.Tashrif davomida talabalar internat tarbiyalanuvchilariga o‘quv qurollari, kiyim-kechak va turli oziq-ovqat mahsulotlarini ulashishdi. Talabalarning darsdan bo‘sh vaqtlarini unumli o‘tkazishiga qaratilgan bu kabi tadbirlarning muntazam uyushtirilishi yosh avlod tarbiyasida muhim o‘rin egallaydi.
