2018 yil 15 yanvar kuni BuxDU Fizika- matematika fakultetida O`zbekiston Respublikasi Prezidenti Sh.M.Mirziyoyevning 2017 yil 6 dekabrdagi “O`zbekiston Respublikasi Konstitutsiyasi qabul qilinganligining 25 yilligi munosabati bilan afv etish to`g`risida”gi farmonning maqsad va mazmun-mohiyatini talabalarga yetkazish maqsadida Buxoro shahar qo`riqlash bo`limi bilan hamkorlikda davra suhbati o’tkazildi.Tadbirda Buxoro shahar qo`riqlash bo`limi boshlig`i o`rinbosari katta leytenant O.N.Xalilov, Buxoro shahar 3-son texnik qo`riqlash punkti boshlig`i leytenant S.Artiqov o’z ma’ruzalari bilan ishtirok etib, insonparvarlik, shuningdek inson, uning hayoti, erkinligi, sha`ni, qadr-qimmati va boshqa ajralmas huquqlarini oliy qadriyat deb tan olish kabi umuminsoniy va konstitusiyaviy prinsiplarning amalda ta`minlanishi, mamlakatimizda amalga oshirilayotgan barcha islohotlar va yangilanishlar haqida talabalarga ma’lumot berishdi. Shu bilan birgalikda avf va amnistiya etishning bir-biriga bog`liqligini, farqlarini atroflicha talabalarga tushuntirib berdilar. Talabalar o`zlarini qiziqtirgan savollarga yetarlicha javoblar oldilar.
