2017 yil 5 may kuni Buxoro davlat universiteti Ma’naviyat va ma’rifat bo’limi, Fizika – matematika fakulteti ishtirokida faollar zalida mehnat faoliyatini o’tkazib, hozirgi kunda nafaqada bo’lgan mehnat faxriylari va fakultet jamoasi ishtirokida 9 may “Xotira va qadrlash kuni” munosabati bilan go’zal tadbir o’tkazildi.Ushbu hurmat-ehtirom zamirida O’zbekiston Respublikasi Prezidentining qarori ijrosini ta’minlash hamda yurtimizda mehr-oqibat, hamjihatlik, insoniylik, bag’rikenglik va xayr saxovat muhitini yanada mustahkamlash, yosh avlodni milliy an’analarimizga sadoqat va umuminsoniy qadriyatlarga hurmat ruhida kamol toptirish hamda bu muqaddas ayyomni yuksak saviyada nishonlashdek ezgu maqsadlar yotadi. Tadbirda Fizika–matematika fakulteti talabalari sahna ko’rinishlari orqali badiiy chiqishlarini namoyish etishdi. Tadbir so’ngida faxriy ustozlarga universitet rektori tamonidan tashakkurnoma va estalik sovg’alar topshirildi.
