2017 yil 27 sentyabr kuni Filologiya fakulteti “Ingliz tili va adabiyoti” kafedrasi tomonidan “Ustoz va murabbiylar kuni”ga bag’ishlab madaniy-ma’rifiy kecha o’tkazildi. Ushbu kechaga Filologiya fakultetida dekani, kafedra mudiri lavozimlarida faoliyat yuritgan ustoz, filologiya fanlari nomzodi, dosent Alimova Muharram Hayotovna tashrif buyurdilar.Muhtarama ustoz bilan uchrashuv davomida Ingliz filologiyasi yo’nalishida tahsil olayotgan birinchi va bitiruvchi kurs talabalari bilan qiziqarli davra suhbati tashkil etildi. Uchrashuv davomida Alimova Muharram Hayotovna o’z hayotiy tajribalari bilan o’rtoqlashib, o’qituvchilik kasbi naqadar mashaqqatli va shu bilan birgalikda sharafli kasb ekanligini ta’kidlab o’tdilar. Shu o’rinda talabalar ham o’zlarini qiziqtirgan savollar bilan ustozga murojaat qilib tinib tinchimas, izlanuvchan bu olima ayolning javoblarida teran ma’no borligini angladilar. Bunday uchrashuvlar yoshlarimizning ongini charxlashda, tafakkurini rivojlantirishda, milliy g’oyamizga sodiq farzandlar bo’lib etishishlarida muhim o’rin egallaydi.Ma’naviyat va ma’rifat bo’limi
