Buxoro davlat universiteti, Filologiya fakulteti ingliz tili va adabiyoti kafedrasi(tashkilotchi o`qituvchilar M. M. Raxmatova va L.J. Jalilova)ning akedemik guruhlar tashabbusi bilan yoshlarimiz o`rtasida huquqbuzarlik holatlarini oldini olishga qaratilgan “Zamonaviy yoshlar: jamiyat, huquq va qonun” mavzusida tadbir bo`lib o`tdi. Buxoro sh IIB profilaktika inspektori B.SH. Samatov, Buxoro shahar terrorizm va ekstrimizmga qarshi kurash bo`limi, tezkor vakili leytenant Azimov A`zamjon Qahramonovich tadbirda taklif qilindi. Filologiya fakulteti dekani A.A. Haydarov, ingliz tili va adabiyoti kafedrasi mudiri Z.I. Rasulov, kaferdra dotsenti M.I. Gadoyeva, fakultet xotin qizlar qo`mitasi raisi X.H. Umurova qatnashdilar. “Zamonaviy yoshlar: jamiyat, huquq va qonun” mavzusida o`tqazishning sababi yoshlarning zamonaviy qadriyatlari, qarashlari qanday, ular qanchalik darajada to`g`ri va qanday o`ziga xosliklarga ega ekanligi haqida tushunish yoshlarning ongidagi to`g`ri va noto`g`ri harakatlar mazmunini anglashdir. Fan va texnologiyalar jadal rivojlanayotgan globallashuv asrida yangi global g`oyalar va qarashlar integratsiyasi tez ko`zga ko`rinmoqda. Bizning yoshlarimiz yot g`oyalarni qanday farqlay olmoqda o`z milliy g`oyalarimizni qanchlik darajada to`g`ri anglab yetmoqda? Bu savollar tadbirning asosiy javob berilishi kerak bo`lgan savollaridir. Yurtimizning tinchligi va xalq manfaatlari ustivorligiga asosiy kalit bo`lmish mustahkam qonunlarimiz bor ekan, yurtimiz bundanda rivojlanadi, ammo yoshlarimiz ham o`z fikriga ega bo`lishi, huquqiy savodxonligini oshira borishi jamiyat o`zgarishlaridan xabardor bo`lib borishi va o`zining tengdoshlari hatti harakatlariga to`g`ri munosabat bildira olishi juda muhimdir. Tadbir so`ngida “Manqurtlar izidan” videorolik namoyish etildi . Tadbir talabalar orasida qizg`in muhokama va tahlillarga sabab bo`ldi.
