Virtual olamda insonning vaqtni idrok qilish tizimi buzilishi, ijtimoiy faolligi kamayishi, kompyuter qarshisida vaqt o'tganini sezmay qolishi oqibatida virtual vositalarning salbiy ta'siri ma'naviy-axloqiy tanazzul bilan chegaralanib qolmay, insonning immun tizimini susaytirishi, umurtqa pog'onasi va ko'z kasalliklariga sabab bo'lishi tibbiyot xodimlari tomonidan fanda allaqachon isbotlangan.Shunday bo'lsada, yoshlarning ijtimoiy tarmoqlarda asosiy vaqtlarini o'tkazishlariga sabab nimada? - degan savolni berish tabiiydir. Ushbu savolga javobni yoshlarning o'zidan emas balki aynan o'zimizdan izlab ko'raylik. Chunki, internet va ijtimoiy tarmoqlar orqali olinayotgan xabarlarga mutlaq haqiqat deb qaramaslik ulardan foydalanishning muhim shartlaridan biri hisoblanishi, begona va notanish odam u yoqda tursin, hatto taniqli va ishonchga sazovor insonning so'zlarini ham tekshirmasdan, mulohaza qilmasdan ko'r-ko'rona qabul qilish oqil kishining ishi emasligi, tarqatilayotgan xabarlar ishonchli bo'lishidan tashqari o'sha ma'lumotni boshqalar bilan “baham ko'rish”dan oldin o'zgalarga tarqatishdan biror manfaat va foyda bor yoki yo'q ekanini mulohaza qilish, bu o'rinda g'azal mulkining sultoni Alisher Navoiy bobomizning «Oqil chin so'zdan o'zgani demas, ammo barcha chinni ham demak oqil ishi emas», deyilgan hikmatini chuqur mulohaza qilishga o'rgata olyapmizmi? Agarda olib borayotgan ishlarimizga loqayd yondashadigan bo'lsak, buning oqibatida internet orqali notanish suhbatdosh bilan muloqotda bo'layotgan yoshlar taqiqlangan mavzulardan gap ochish, hissiy, ehtirosli suhbatga berilib ketish xavfi borligi, bu esa, yoshlar o'rtasida turli behayolik, buzuqchilik kabi ko'ngilsiz holatlarga sabab bo'lishiga imkon yaratib bergan bo'lamiz.Ushbu holatni oldini olish maqsadida talaba-yoshlarga ibrat sifatida ziyoli olimlar va taniqli insonlar bilan uchrashuvlar tashkil etish va bunday illatlarga qarshi immunitetni shakllantirish bizning asosiy vazifamiz hisoblanadi. Shu bois talaba-yoshlar o'rtasida ijtimoiy tarmoqlardagi xavflardan saqlash maqsadida quyidagilarga alohida e'tibor qaratishimiz lozim bo'ladi:1. Internet va ijtimoiy tarmoqlarga kirishdan oldin aniq maqsadni belgilab olishni shakllantirish, 2. Bu tarmoqlarga maqsadsiz kirish turli saytlar doirasida oltinga teng vaqtni behuda sarflanishiga sabab bo'lishini tushuntirish, 3. Vaqtni behuda sarflash esa, umrning bir qismini bekorchi va manfaatsiz ishlar bilan o'tkazishga tengligini anglatish,4. Ajdodlarimiz odob-axloq, ilm-fan bilan bog'liq yutuqlarni yuksak qadrlab, avloddan avlodga yetib borishiga o'z hissalarini qo'shganliklarini inobatga olib, Internet va ijtimoiy tarmoqdan foydalanishda ham ajdodlar o'gitlari va dinimiz ko'rsatmalariga amal qilib ish olib borish, albatta, zamonaviy ilm-fan yutuqlarini taraqqiyot uchun va yurt obodligi, farovonligi uchun yo'naltirishga talaba-yoshlarni da'vat etish.{flike}Ma'naviyat va ma'rifat bo'limi boshlig'i A.Jumayev
