Mamlakatimizda hukm surayotgan tinchlik va osoyishtalik, dinlararo bag‘rikenglik, millatlararo totuvlik hamda hamjihatlik yurtimiz taraqqiyoti yo‘lida amalga oshirilayotgan ezgu ishlarning mustahkam asosi bo‘lib xizmat qilmoqda.Lekin g‘oyalar kurashi avj olgan XXI asrda dunyoda tinchlik va barqarorlikni ta‘minlash yo‘lida hal etilishi zarur bo‘lgan ko‘plab muammolar yuzaga kelayotgani, kishilarning osuda hayotini izdan chiqarishga qaratilgan yangi shakldagi tahdidlarning kun sayin paydo bo‘layotgani va buning natijasida buzg‘unchi g‘oyalar mafkura maydonini qurshab olayotgani barchamizdan ogohlik va hushyorlikni talab etmoqda. Yurtimizdagi tinchlikni barqaror saqlab turish uchun doim ogoh bo‘lishimiz maqsadida 2018 yil 3 mart kuni universitet faollar zalida “Noislomiy diniy tashkilot va sektalarning yoshlar kelajagiga tahdidi” mavzusida o‘tkazilgan davra suhbati hamda “Makrdan yo‘g‘rilgan” nomli hujjatli filьm namoyish etildi.Tadbirda Buxoro viloyat Adliya boshqarmasi bo‘limi boshlig‘i J.Tilavov, Buxoro shahar IIB Terrorizm va ekstremizmga qarshi kurashish bo‘limi tezkor vakili Sh.Ishanqulov, Respublika Ma‘naviyat va ma‘rifat markazi Buxoro viloyat bo‘limi rahbari N.Salixov, Ma‘naviy-ma‘rifiy ishlar bo‘yicha prorektor A.Kadirov, ma‘naviyat va ma‘rifat bo‘limi xodimlari, professor-o‘qituvchilar, talabalar (jami: 300 nafar) ishtirok etdi.
