Azal-azaldan ona shahrimiz Buxoro “Sharif Buxoro”, “Islom dinining gumbazi” sifatida nafaqat O’zbekistonliklar uchun, balki butun dunyo xalqlari uchun muqaddas ziyorat va sayohat maskani bo’lib kelgan. Turizmni rivojlantirish, shu zaminda yashab o’tgan avliyolarning qadamjolari va tarixiy obidalari bo’ylab sayohat va ziyorat qilish, xodimlarning mazmunli dam olishlarini tashkil etish maqsadida Buxoro davlat universiteti xodimlar va talabalar kasaba uyushma qo’mitasi tomonidan 2018 yil 23 fevral kuni “Etti pir” bo’ylab ziyorat tashkil etildi. Universitetda faoliyat ko’rsatayotgan 50 nafar professor-o’qituvchilar va shchi-xodimlar bilan tabarruk qadamjolar (Xoja Abduxoliq G’ijduvoniy, Xoja Orif ar Revgariy, Xoja Mahmud Anjir Fag’naviy, Xoja Ali Rometaniy, Xoja Muhammad Boboyi Samosiy, Hazrat Sayyid Amir Kulol, Hazrat Bahouddin Naqshband)ga borib avliyolar yodi xotirlandi. Maroqli va mazmunli o’tgan ushbu sayohat xodimlarimizga Sharif shahrimizning obidalari va muborak qadamjolari bilan yana bir karra tanishib olishlariga zamin yaratdi. Ularning hammalari mamnun va xursand bo’lib qaytishdi.
