SO‘NMAS XOTIRA(Qasida)Asrlarning bardoshidek bardoshingiz, Nur yog‘ilar, nuroniydir ko‘z-qoshingiz,El-yurt baxtin ko‘zlab, oqardi sochingiz,Islom bobom, bir qasida bitdim Sizga, Izhorlarim bag‘ishladim yo‘lingizga.Amir Temur barpo qilgan buyuk tarix, O‘zbekka o‘zlikni anglatdingiz – shonlig‘,Yurtni aylab ne-ne ofatlardan forig‘, Islom bobom, bir qasida bitdim Sizga, Izhorlarim bag‘ishladim yo‘lingizga. Iymonni qaytarib, elni shod aylagan, Buyuk bobolarning nomin yod aylagan, Xoki-poyin e‘zozlab, obod aylagan – Islom bobom, bir qasida bitdim Sizga, Izhorlarim bag‘ishladim yo‘lingizga. Borlig‘ingiz yurt koriga shayladingiz, Soyabondek to‘fonlardan asradingiz, Milliy g‘ururni qalblarga joyladingiz, Islom bobom, bir qasida bitdim Sizga, Izhorlarim bag‘ishladim yo‘lingizga. Ayolga cheksiz hurmat bajo aylagan, Teng huquqli jamiyat barpo aylagan, Hamma uchun mushfiq Otaga aylangan – Islom bobom, bir qasida bitdim Sizga, Izhorlarim bag‘ishladim yo‘lingizga. Bori elni chin qadrdon deb bildingiz,Yuzdan ortiq millatlarni el qildingiz, Biz, yoshlarni bolalarim, der edingiz, Islom bobom, bir qasida bitdim Sizga, Izhorlarim bag‘ishladim yo‘lingizga. Bugun tilda doston erur yurtim nomi, Umri – umrim erur, mangu g‘urur, shoni,Siz qurgan binolar – ma‘rifatning koni, Islom bobom, bir qasida bitdim Sizga, Izhorlarim bag‘ishladim yo‘lingizga. Siz sevgan Vatanni sevmoq – bizlarga tan, Jon fido etmoqqa shay har o‘g‘il, qiz ham, Jannatlarda turib duo qiling xurram, Islom bobom, bir qasida bitdim Sizga, Izhorlarim bag‘ishladim yo‘lingizga.Unutmaydi nomingizni ona xalqim, Ardoqlagay shoningizni ona xalqim, Ulug‘vor unvoningizni ona xalqim, Islom bobom, bir qasida bitdim Sizga, Izhorlarim bag‘ishladim yo‘lingizga! Gulchehra HOJIYEVA, Buxoro davlat universiteti fakulьtetlararo chet tillar kafedrasi o‘qituvchisi
