“Hozirgi kunda dunyoda sodir etilayotgan terrorchilik qo’poruvchilik harakatlari hamda xavfsizlik choralari” mavzusida o’tkazilgan o’quv-seminar mashg’ulotida Ma’naviy-ma’rifiy ishlar bo’yicha prorektori O.Qodirov kirish so’zi bilan ochib, yig’ilganlarni seminar kun tartibi bilan tanishtirib, seminardan ko’zlangan maqsad universitet hududida fuqarolar xavfsizligini ta’minlash, terrorizm va diniy ekstremizmga qarshi kurashish, avtoturargohlarda va aholi gavjum bo’lgan joylarda xavfsizlikni ta’minlash uchun ogohlikni kuchaytirish ekanligini ta’kidladi. Shundan so’ng so’zni IIV Maxsus otryadining Buxoro viloyati hududiga xizmat ko’rsatish bo’yicha Maxsus guruh mutaxassis xodimlari davom ettirdi: Hozirgi kunda eng asosiy tahdid xalqaro terrorizmdir. Terrorizm kecha yoki bugun vujudga kelgan emas. Bu illatlarga qarshi kurashish faqat muayyan soha vakillarining ishi emas, barchamizning vazifamizdir. Tinchlik – ulug’ ne’mat. Uning qadriga etish, asrab – avaylash uchun barchamiz birlashib kurashishimiz lozim. O’z uyingni o’zing asra, degan gapda hikmat ko’p, uning ma’nosi keng. Zero, tinchlik uchun doimo kurashish kerak, uni hech kim yaratib bermaydi. Qachonki har birimiz o’zimiz mas’ul bo’lgan joyda: oila, mahalla, korxona yoki tashkilotda ogoh va hushyor bo’lib, qo’l ostidagilarimiz haqida qayg’urib fidoiylik bilan mehnat qilsak yovuz kuchlar ostona xatlab bizga tahdid qilolmaydi.Mutaxassislar universitet professor-o’qituvchi va xodimlariga universitet hududida fuqarolar xavfsizligini ta’minlash, terrorizm va diniy ekstremizmga qarshi kurashish, aholi gavjum bo’lgan joylarda xavfsizlikni ta’minlash bo’yicha qator tushunchalar berdi.Mashg’ulot jarayonida universitet professor-o’qituvchi va ishchi xodimlariga hozirgi kunda qo’lbola portlatish qurilmalari yordamida jahonda sodir etilayotgan terrorchilik harakatlarining tahlillari asosida, portlovchi moddalar va portlatish qurilmalarini izlab topish usullari hamda shubhali predmetlar (sumka, karton quti, jamadon) aniqlanganda universitet jamoasi va talabalarining hatti-harakatlari to’g’risida tegishli ko’rsatmalar berdi.Shuningdek, o’quv-seminar mashg’uloti jarayonida mashg’ulotlar uchun mo’ljallangan o’quv plakatlari va portlatish qurilmalarining maketlari yig’ilish qatnashchilariga ko’rsatib o’tildi. Mashg’ulot davomida professor-o’qituvchi va ishchi xodimlarni qiziqtirgan barcha savollarga to’liq javob berildi.
