Mustaqillik, tinchlik har bir inson, har bir xalq orzu qiladigan va e’zozlaydigan uluғ ne’matdir. Bu ne’matga erishish, uni saqlash muqaddas burch. Mustaqilligimizning dastlabki kunlaridan e’tiboran har tomonlama yaxshi ta’minlangan, ixcham va harakatchan, turli zamonaviy tahdidlarga munosib javob qaytarishga qodir qurolli kuchlarni shakllantirishga ulkan ahamiyat berib kelinmoqda.Milliy armiyamizning, xalqimizning tinch-osuda hayoti himoyasida posbon bo’lib turgan Qurolli Kuchlarimizning salohiyati va qudratini yanada oshirish, muxtasar aytganda, milliy armiyamiz tom ma’noda xalqimizning ғurur-iftixoriga aylanishi uchun hissa qo’shish barchamizning muqaddas burchimizdir. “O’zbekiston Respublikasi Qurolli Kuchlari tashkil topganligining 25 yilligi va Vatan himoyachilari kuni bayrami munosabati bilan viloyat miqyosida qator tarғibot tadbirlari amalga oshirib kelinmoqda. Jumladan, 2017 yil 5 yanvarda Romitan tumanidagi Ibn-Sino MFYda “Uch avlod uchrashuvi” mavzuida ma’naviy-ma’rifiy tadbir o’tkazildi. Tadbirda Buxoro Davlat universiteti psixologiya kafedarasi katta o’qituvchilari O.Avezov, L.Olimov, Buxoro viloyati musiqali dramma teatiri aktyori Ubaydulla Omon, Yozuvchilar uyushmasi a’zosi J.Fozilov, tuman madaniyat va sport ishlari bo’limi, tuman ma’naviyat tarғibot bo’limi, tumandagi Ibn-Sino MFY, Bobur MFY, A.Navoiy MFY, Guliston MFY, Zarafshon MFY uyushmagan yoshlari, keksa avlod vakillari va hududning xarbiylari (jami 70 kishi) ishtirok etishdi.2017 yil 5 yanvar Buxoro shahridagi “Turki Jandiy” MFYda “Vatanni himoya qilish –sharafli, oliyjanob va mas’uliyatli burch ” mavzusidagi jamoatchilik vakillari va mahalla faollari bilan ma’naviy-ma’rifiy tadbir o’tkazildi. Tadbirda Buxoro davlat universiteti rektori A.A.To’laganov, BuxDU dostenti S.S.Raupov, Milliy ғoya, ma’naviyat asoslari va huquq ta’limi kafedrasi katta o’qituvchisi U.B.Sobirov, Buxoro shaxar Ma’naviyat tarғibot bo’limi rahbari X.Abdulhuseynov, “Turki Jandiy” MFY raisi H.S.Savrieva va 35 nafar uyushmagan aholi ishtirok etdi.2017 yil 5 yanvarda Jondor tumanidagi “Lolo” QFYda “Biz ona vatanimiz istiqlolining himoyasiga hamisha tayyor turmoғimiz lozim” mavzusida tadbir bo’lib o’tdi. Tadbirda Buxoro davlat universiteti ma’naviy-ma’rifiy ishlar bo’yicha prorektori A.M. Kadirov, “Falsafa” kafedrasi o’qituvchilari Z.I. Narziev, F.D. Muzaffarov, Buxoro viloyat musiqali drama teatri aktyori, O’zbekistonda xizmat ko’rsatgan artist Sh. Yo’lliev, viloyat Yozuvchilar uyushmasi a’zosi Ғ. Shomurod va Jondor tumani hokimligi ma’naviy tarғibot markazi bo’limi rahbari R.Safarova va tuman hokimligi madaniyat va sport ishlari bo’limi a’zolari ishtirok etishdi. Tadbirlar yuqori ko’tarinki bayramona ruhda o’tkazilmoqda.
