Bugungi kunda shiddat bilan rivojlanayotgan ommaviy axborot vositalari va ularning xavf-xatarlari, insonlarni yo’ldan ozdirishni ko’zlagan kimsalarning qilmishlari to’g’risida, jahon axborot tarmog’idagi mafkuraviy hamlalardan yoshlarni himoya qilish maqsadida 2016 yil 11 fevral kuni Buxoro davlat universitetining kichik majlislar zalida A.Tulepovning “Internetdagi tahdidlardan himoya” kitobi asosida davra suhbati o’tkazildi.Tadbirda Ma’naviyat va ma’rifat bo’limi xodimlari,fakultet ma’naviy – ma’rifiy ishlar bo’yicha dekan muovinlari va talabalar, jami 80 nafar qatnashdi. Milliy g’oya, huquq va ma’naviyat asoslari kafedrasi o’qituvchisi A.Boltaev o’z ma’ruzasi bilan ishtirok etdi. Tadbir davomida “Odam - virus yoxud to’qlikka sho’xlik” nomli hujjatli film namoyishi bo’lib o’tdi. Tadbir talabalarning fikr-mulohazalari asosida qizg’in ochiq muloqot tarzida o’tdi. Yig’ilish ko’tarinki ruhda o’tkazildi. Yig’ilganlar mavzu doirasida etarlicha ma’lumotlarga ega bo’ldilar.
