2016 yil 7 dekabr kuni Buxoro shahar 23-umumta’lim maktabida “Mahorat maktabi” seminari o’tkazildi. O’qituvchilarning pedagogik mahoratini takomillashtirish, ularni psixologiya, metodika sohasidagi eng yangi, zamonaviy bilimlardan xabardor qilib borish, axborot-kommunikasiya texnologiyalari bo’yicha bilimlarini yanada oshirish maqsadida Buxoro shahar 23-umumiy o’rta ta’lim maktabida 2016 yil 7 dekabr kuni viloyat miqyosida “O’quvchilarni fanga qiziqtirish maqsadida mustaqil va ijodiy fikrlashga yo’naltiruvchi topshiriqlar ustida ishlash” mavzusida ilmiy-amaliy seminar o’tkazildi.Mazkur ilmiy-amaliy seminarda BuxDU Filologiya fakulteti “Ingliz tili va adabiyoti” kafedrasi o’qituvchilari ham qatnashdilar. Ular maktab ingliz tili fani o’qituvchilari tomonidan tashkil etilgan “Ingliz tili darslarida o’yinli texnologiyalardan foydalanishning usullari”ni o’zida aks ettirgan noan’anaviy darslarni tahlil qildilar. Seminar yakunida maktab ingliz tili fani o’qituvchilari tomonidan tashkil qilingan boshlang’ich sinf o’quvchilari ishtirokidagi “We yere happy Kids” deb nomlangan ma’naviy-ma’rifiy tadbir namoyish etildi.
