“Biz o’z yurtimiz va xalqimizning sharafli tarixi bilan haqli ravishda faxrlanamiz. Mana shu muqaddas faxr tuyg’umizning muazzam timsoli – shubhasiz, ulug’ jahongir bobomiz Amir Temur Muhammad Tarag’aydir” Islom KarimovAmir Temur bobomiz tavalludining 680 yilligi mamlakatimiz mustaqilligining 25 yilligi keng nishonlanadigan yilga to’g’ri kelganida ham buyuk ma’no bor. Kuchli markazlashgan davlatga asos solgan yirik davlat arbobi, yengilmas sarkarda Buyuk Sohibqiron Amir Temur bobomiz bugun o’zbek xalqining g’urur iftixori, beqiyos qudrati timsoliga aylangan. 2016 yil 7 aprel kuni BuxDU TTJda sohibqiron Amir Temur tavalludining 680 yilligiga bag’ishlab “Vatanning daho xaloskori” mavzusidagi davra suhbati o’tkazildi. Tadbirda Ma’naviyat va ma’rifat bo’limi, BuxDU huzuridagi PKQT va ularning malakasini oshirish mintaqaviy markazi, Talabalar turar joyi, Qarshi davlat universiteti dosenti, mintaqaviy markaz tinglovchisi Sh.X.Bobojonov, Tarix kafedrasi professor-o’qituvchilari hamda bino mudirlari, tarbiyachilar hamda talabalar (jami 100 kishi) ishtirok etishdi. Tadbirda “Amir Temur hikmatlari – ma’naviyat sarchashmasi “ va “Amir Temur – davlat arbobi va buyuk sarkarda” mavzularida ma’ruzalar qilindi. Ishtirokchilar o’zlarini qiziqtirgan savollar bilan murojaat qilib, kerakli ma’lumotlarga ega bo’lishdi.
