2016 yil 2 fevral Ma’naviyat va ma’rifat bo’limi, Ijtimoiy-iqtisodiy fakulteti “Turizm” kafedrasining BuxDU «Ibn Sino salomatlik maskani» ma’rifat markazi bilan hamkorlikda ”Sog’lom ona va bola” yili munosabati bilan davra suhbati o’tkazildi. Tadbirda Barkamol yosh avlod sog’lom oilada ulg’ayadi, Kelajak yoshlar qo’lida, Sog’lom turmush tarzi – salomatlik garovi mavzularida talabalar bilan muloqot o’tkazildi.Barkamol avlodning dunyoqarashi, milliy mafkurasi va tafakkuri ham oila sharoitida shakllana boradi. Vatan, millat tuyg’usi, milliy g’urur bolaning oilaga, eng yaqin kishilari – ota, ona, buva, aka-uka, opa-singillariga bo’lgan munosabatidan tug’ilib o’sgan qadrdon uyi va yaqin kishilari bilan muloqoti davomida qaror topadi.Inson ma’naviy barkamol bo’lishi uchun, eng avvalo, jismonan sog’lom bo’lishi lozim. Bu oddiy hol, ammo u jamiyatning rivoji – kelajakni ta’minlovchi omildir. Shuningdek, yoshlarning harakatchanligi, ham jismoniy, ham aqliy faoliyati xususiyatlari haqida to’xtaldilar. Tadbir davomida talabalar mavzuga oid qator savollar berishdi va olingan javoblardan qoniqish olishdi. Tadbir qiziqarli o’tdi va o’z maqsadiga to’la erishdi.
