2016 yil 12 aprel kuni Buxoro davlat universiteti Ma’naviyat va ma’rifat bo’limi, Tabiiy fanlar fakulteti (103 nafar), BuxDU “Ibn Sino salomatlik maskani” ma’rifat markazi, Viloyat Salomatlik va tibbiy statistika instituti Buxoro filiali, Viloyat OITS markazi bilan hamkorlikda O’zbekiston Respublikasi Vazirlar mahkamasining 2016 yil 23 martdagi OIV ineksiyasi tarqalishiga qarshi kurashish tadbirlarini muvofiqlashtirish Respublika komissiyasi majlisining 8-sonli bayoni ijrosini ta’minlash maqsadida davra suhbati o’tkazildi.Tadbirda mutaxassislar tomonidan “Sil qanday kasallik”, “OIV/OITS asr vabosi”, “Bezgak parazitar kasallik”, “Shaxsiy va umumiy gigiena” mavzularida ma’ruzalar qilindi. Bugungi kunda dunyoning qator davlatlarida OIV/OITS, Sil va Bezgak kasalliklari murakkabligicha qolayotgani va ularni oldini olish kerakligini ta’kidlab o’tdilar. Tadbirda aytilgan barcha maslahatlar talabalarga katta taassurot qoldirdi.
