“Har qanday demokratik davlatda saylovlar eng muhim konstitusiyaviy-huquqiy institut hisoblanadi. Saylovlarning xalqaro e’tirof etilgan qoidalar asosida, oshkora o’tkazilishi demokratik prinsiplarning amalda ekanidan dalolat beradi. Demokratik huquqiy davlat qurish va fuqarolik jamiyatini shakllantirish yo’lini tanlagan O’zbekiston eng ilg’or demokratik prinsiplarga asoslangan saylov tizimini yo’lga qo’ydi.Inson huquqlari Umumjahon deklarasiyasi, Fuqaroviy va siyosiy huquqlar to’g’risidagi xalqaro Paktning saylov huquqiga oid me’yorlari talablariga mos keluvchi qoida Konstitusiyada o’rnatilgan. O’zbekiston Respublikasi Prezidenti saylovining ijtimoiy-siyosiy hayotimizdagi ahamiyati, saylovni uyushqoqlik bilan yuqori demokratik saviyada o’tkazish uchun har bir komissiya a’zosi faollik ko’rsatish bilan birga komissiya a’zolari o’rtasida ma’naviy-axloqiy muhitni yaxshilash va huquqiy savodxonligini oshirish maqsadida 2016 yil 18-19 noyabr kuni Buxoro shahar Viloyat Axborot resurs markazi 34-uchastka saylov komissiyasida saylov masalasiga oid seminar-trening o’tkazildi. Tadbirda Buxoro davlat universiteti rektori, “Milliy g’oya, ma’naviyat asoslari va huquq ta’limi” kafedrasi dosenti S.S.Raupov, katta o’qituvchi U.B.Sobirov hamda 34-uchastka saylov komissiya a’zolari ishtirok etishdi. Tadbir davomida Prezident saylovi haqidagi TV rolik o’rganildi va komissiya a’zolariga tegishli maslahat va tavsiyalar berildi.
