So`z mulkining sultoni, o`zbek adabiy tilining asoschisi Alisher Navoiyning 574 yilligiga bag`ishlab Ma’naviyat va ma’rifat bo`limi va Harbiy fakultetda 2015 yil 9 fevral kuni “Navoiy va zamonamiz” mavzusida tantanali kompozitsion kecha bo`lib o`tdi. Tadbirda Alisher Navoiy asarlarining hozirgi yoshlar tarbiyasidagi ahamiyati haqida suhbat qurildi.Shu bilan birga Filologiya fakulteti f.f.n. dotsent D.Rajabov o`z ma’ruzasi bilan qatnashdi hamda Alisher Navoiyning bosib o`tgan yo`llari, hayoti, ijodi haqida qisqacha to`xtalib o`tdi. Ayniqsa talabalarning Navoiy haqidagi va uning tarixi haqida berilgan savollariga juda keng va aniq jumlalar bilan misollar keltirib, baytlaridan ijro etib berdi. Alisher Navoiy tavalludiga bag`ishlab tayyorlangan prezentatsiya va film namoyishi taqdim etildi. Navoiy tavalludiga bag`ishlangan kecha ko`tarinki ruhda va uyushqoqlik bilan o`tdi.
