Mamlakatimiz istiqlolga erishgach, har jabhada ulkan islohotlarni amalga oshirish imkonini berdi. Bugun yurtimiz shaharu qishloqlarida amalga oshirilayotgan keng qamrovli bunyodkorlik ishlari O`zbekistonning har bir fuqarosi qalbida faxr va g`urur tuyg`usini uyg`otadi.O`tgan yillar mobaynida mamlakatimiz kelajagi bo`lmish yosh avlodni har jihatdan sog`lom va barkamol insonlar etib voyagayetkazish hukumatimiz oldida turgan dolzarb masalalardan biriga aylandi. Zotan, har qanday davlatchilikning gurkirab yashnashi va tadrijiy taraqqiyoti, avvalo, el salomatligi va yurt obodligining ta’minlanishiga bog`liqdir. Yoshlarimizni turli illatlardan saqlash maqsadida 2014 yil 2 dekabrda Ma’naviyat va ma’rifat bo`limi, Pedagogika fakulteti, «Ibn Sino salomatlik maskani» ma’rifat markazi va Viloyat OITS markazi bilan hamkorlikda davra suhbati o`tkazildi. Tadbirda “Inson salomatligi va zararli odatlar”, “Barkamol avlod salomatligi- mamlakat kelajagi” mavzularida talabalar bilan muloqot olib borildi. Davra suxbatida ishtirok etgan talabalar mutaxassis shifokorlarga qator savollar bilan murojaat qildilar. Savollarga mutaxassislar tomonidan etarlicha javob berildi. Talabalar tadbir yakunida so`zga chiqib, tadbirda ishtirok etayotgan va tashkil etgan tashqilotchilarga minnatdorchilik bildirdi. Shunday tadbirlar doimiy o`tkazilib turishi ta’kidlandi. Ma’naviyat va ma’rifat bo`limi
