Universitet talaba-yoshlari o`rtasida sog`lom turmush tarzini targ`ib qilishga bag`ishlab o`nlab tadbirlar amalga oshirib kelinmoqda. Jumladan, Jismoniy tarbiya fakulteti talaba-yoshlari o`rtasida 2015 yil 7 aprel kuni “Sog`lom turmush tarzi - yosh avlodning har tamonlama rivojlanish garovi” mavzuida davra suhbati o`tkazildi. Tadbirda B.B.Ma’murov– fakultet dekani, I.I.Saidov – fakulteti ma’naviy-ma’rifiy ishlar bo`yicha dekan muovini,N.Safarova - pedagogika fakulteti dekan muovini, Ekologiya kafedrasi ukituvchisi R.I.SHarofutdinova, grux murabbiylari, Bux DU «Ibn Sino salomatlik maskani» ma’rifat markazi rahbari - G.Murotova hamda talabalar ishtirok etdi. Davra suhbatida sport yoshlarda ko`pgina fazilatlar, shu jumladan ularning jismoniy baquvvat bo`lishi, organizmning zahira kuchlari, ish qobiliyatining hamda organizmning ko`pgina kasalliklariga nisbatan qarshilik kuchining oshishiga yordam berishi, sport – foydali ko`nikmalar va mahoratlar, chiroyli qomat, foydali odatlar, sog`lom turmush tarzi hamda mustahkam sog`liq ekanligi to`g`risida talaba-yoshlarga ma’lumot berildi.
