2015-yilning 13- mart kunida Filologiya fakulteti Ingliz filologiyasi kafedrasi 6-2ing-13, 6-6ing-13, 6-7ing-13 guruhlar talabalari Talabalar turar joyida milliy bayramimiz Navro`zga bag`ishlangan “Yana bahor keldi, kelmoqda Navro`z” nomli tadbirni namoyish etdilar. Tadbirdan talabalar ijrosidagi sahna ko`rinishlari, Navro`z, bahorni madh etuvchi qo`shiqlar, raqslar guldastasi joy olgan. Birinchi sahnada talabalar ertak qahramonlari timsolida Navro`zi ayyom ta’riflangan sahna ko`rinishini tomoshabinlarga taqdim etgan bo`lsalar, ikkinchi sahna ko`rinishida Navro’z udumlari, tarixi va odatlarimizni o`z ichiga olgan sahnalashtirilgan ma’lumotlar namoyishini berdilar. Uchinchi sahna ko`rinishida Farmonbibi va kelinlar obrazi orqali milliy kiyimlarimiz, taomlarimiz namoyishi ko`rsatildi. Sahna ko`rinishlari orasida talabalar o`zlari tayyorlab kelgan raqs va qo`shiqlarni tomoshabinlarga havola etdilar.Tadbirda Ingliz filologiyasi kafedrasi dotsenti H.O`.Yusupova, o`qituvchilar F.M.Khajiyeva va M.M.Rahmatovalar ishtirok etdilar.
