Badiiy grafika fakulteti o`quv binosida «Temuriylar davri san’ati haqida nimalarni bilasiz?» mavzusida talaba yoshlar orasida ko`rgazma o`tkazildi.Ko`rgazmani Badiiy grafika fakulteti dekani v.v.b. N.Dj.Yadgarov, kirish so`zi bilan ochib,ko`rgazmada barchaga omad tiladila va so`zni ko`rgazmani tashkil etgan Tasviriy san’at tarixi fani o`qituvchilari dotsent O.N.Samadov va H.Halimovalarga berdilar.Dotsent O.N.Samadov ko`rgazma mavzusining mohiyati, dolzarbligi to`g`risida, H.Halimova esa Temuriylar davri san’ati haqida to`liq ma’lumot berib o`tdilar. Biz bilamizki, Temur va uning sulolasi davrida O`rta SHarqda fan, san’at va madaniyat rivoj topdi. SHu davrda ajoyib saroylar, masjid va madrasalar, koshinkor maqbaralar qurildi. Buyuk olimu-fozillar bu davlat shuhratini olamga tanitdilar. Buyuk Ulug`bek, Alisher Navoiy, Abdurahmon Jomiy, Kamoliddin Behzod kabi olimlar, shoirlar va miniatyura ijodkorlari shu davrda yashab ijod qildilar. Amaliy, amaliy-bezak san’ati nihoyatda keng rivojlandi. Bronza, kumush va oltindan quyma idishlar yasash borasida katta muvaffaqiyatga erishdilar. Ayniqsa kumush va oltindan nafis buyumlar yasash keng rivojda bo`lib saroy ahllari talabiga javob berdi. SHu xususda ispan elchisi Klavixo Temur saroyida bo`lganida oltin va kumushdan ishlangan buyumlarning ko`pligi, Temurning oltin taxti va stoli, uning dam oladigan xonasida oltindan va qimmatbaho toshlar bilan ishlangan daraxt, undagi mevalar, mevada o`ltirgan ajoyib qushchalar bo`lganligini yozib qoldirgan. O`rta asr memorchilik san’ati o`zining gullagan davrini boshidan kechirdi. YA’ni chin manodagi aristokratik me’morchilik - hashamatli va go`zal binolar qurish san’at uslubi vujudga keldi, rivojlandi. Devoriy rassomchilik, amaliy dekorativ san’at sohasida qator yangi an’analar shakllandi. Jumladan, me’morchilikda birinchi bor vujudga kelgan yirik va murakkab me’morchilik majmualari shaharsozlikda muhim o`rinni egallay boshladi. An’anaviy me’morchilik shakl va uslublarini kayta qurib chiqildi. Ayniqsa, memorchilik yodgordiklarini rangli koshinlar bilan boyishi katta badiiy-estetik ahamiyat kasb etdi. Albatta rangli bezak O`rta Osiyo an’anaviy me’morligining ham ajralmas qismi bo`lgan.Keyingi so`zni ko`rgazmani olib boruvchi 3r guruh talabalari YAdgarova Vazira hamda Norboeva Navro`zgullarga berildi.Bu talabalar ko`rgazma shartlari, ya’ni 1-shart Temuriylar san’atiga doir tayyorlangan slayd va prizentatsiyalar namoyishi, 2-shart mavzuga doir tayyorlangan devoriy gazetalar hamda buklet (buklamalar) , 3-shart referatlar namoyishi ekanligi va har bir shartda ishtirok etuvchi o`zi tayyorlab kelgan ishiga qisqacha annotatsiya berish kerakligi haqida ma’lumot berib o`tdi. Ko`rgazma shartlar asosida olib borildi. Slayd va prizentatsiyalarda talabalar asosan devoriy gazetalarda esa yaratgan asarlari qanday ma’noni anglatishi va uning badiiy tahlili,asar mualliflari, uning yaratilganligi tarixi haqida ma’lumot berib o`tishdi. Har bir shart ishtirokchilari navbatma navbat davraga taklif qilib borildi va har bir shart xulosalari, ishtirokchilarga qo`yilgan baho natijalari hay’at a’zolari tomonidan izohlab aytib o`tildi.Ayniqsa 3t guruh talabasi Eshova Oydin tayyorlagan slaydlar va uni go`zal, mohirona yoritib berdi va anjuman ishtirokchilarini qiziqtirgan savollarga javoblar berdi.1-shart bo`yicha tasviriy san’at kafedra mudiri Bakaev Sh.Sh slayd va prizentatsiyalar namoyishini yanada boyitish va uni namoyish etuvchini o`zi ham hayajonlanmasdan , dadil olib borishi va bu zamonaviy texnologiyaning bir yo`nalishi ekanligini, faol harakatda bo`lishi kerakligini ta’kidladilar.«Temuriylar davri san’ati » mavzusiga doir devoriy gazeta va buklamalar namoyishida asosan, Jo`raeva Malika, Ochilova Oygullarning yaratgan asarlari va unga bergan ta’riflari tadbir katnashchilarida katta kizikish uyg`otdi. Talaba Ochilova Oygul A.Temur portretini chizganligi sababi va uni birinchi bo`lib chizgan xalq rassomi M.Nabiev hayoti, asar tarixi xususida tuxtalib, badiiy tahlilini tarbiyaviy-ma’naviy ifoda etilishini misollarda tushuntirdi.2-shart bo`yicha tasviriy san’at dottsenti O.N.Samadov so`zga chiqib, devoriy gazeta va bukletlarga qo`shimcha tarzda yana qiziqarli ma’lumotlarni, devoriy gazeta va buklamalarni tayyorlashda yo`l qo`yilgan xato, kamchiliklarni aytib o`tdilar.Ko`rgazma mavzusida yozilgan referatlar namoyishida asosan o`zi yozgan referatni mazmun-mohiyati haqida to`liq ma’lumot berib o`tdi. Bu shart bo`yicha Ma’naviy – ma’rifiy ishlari bo`yicha dekan muovini V.R.To`xsanova va kafedra o`qituvchisi G.A.Hakimovalar o`z fikrlarini va kerakli ma’lumotlarni aytib, talabalarning bilmini rivojlantirib, ularni o`z vatani, xalqi va me’rosini sevish ruhida tarbiyalashdi.SHundan sung yuqorida so`zga chiqqan professor – o`qituvchilar badiiy grafika fakulteti talabaliri tomonidan “Temuriylar davri san’ati haqida nimalarni bilasiz?” ga bag`ishlangan ijodiy ish sifatida bajarilgan devoriy gazetalarini muhokama qilindi, baholandi va dekanat tomonidan maqtov yorlig`i va sovg`alar bilan rag`batlantirildi.Jumladan; Buklamalar bo`yicha 3T bosqich talabasi Eshova Oydin 1-o`rinni, Samieva Xurshida 2-o`rinni egallashdi.Referatlar bo`yicha 3A bosqich talabasi Abdieva Moxigul yuqori o`ringa, Slaydlar bo`yicha 3A bosqich talabasi Karimova Gulishaxnoz 1-o`ringa, 3T Babayarova Nozima 2-o`ringa loyiq deb topildi. Shuningdek, devoriy gazetalar namoyishi va uni sharhlash shartida 3A bosqich talabasi Ochilova Oydin “Amir Temur portreti” va 3T bosqich talabasi Muxammedova Dildora “Adovat emas - Adolat kerak” mavzusidagi devoriy gazetalari uchun 1-o`ringa, 3R bosqich talabasi O`ktamova Kamola “Temuriylar davri san’ati”mavzusi, Kuch –adolatdadir shiori ostidagi devoriy gazetasi uchun 2-o`ringa, 3T bosqich talabasi Jo`raeva Malika ”Temuriylar davri san’ati(K.Behzod ijodi)” mavzusidagi devoriy gazetasi uchun 2-o`ringa munosib deb topildi. Ko`rgazmaning eng yosh ishtirokchisi 2B-bosqich talabasi SHaripova Sitora va kafedra jamoa ishlarida faol, qolaversa ko`rgazmaning faol ishtirokchisi 3R-bosqich talabasi Olimova Zebinisolar alohida maqtov yorlig`i va sovg`alar bilan taqdirlandi.Qolgan ishtirokchi talabalar ishlaridagi kamchiliklar aytib o`tildi, ularga ko`proq o`z ustida izlanishlari haqida va shunga o`xshash maslahatlar berildi. Tadbir oxirida tasviriy san’at tarixi fani o`qituvchisi H.Halimova so`zga chiqib, mehmonlarga va barcha qatnashchilarga fakultet nomidan minnatdorchilik bildirdi.Anjuman yakunida Badiiy grafika fakulteti dekani v.v.b. N.Dj.Yadgarov so`zga chiqib, bunda professor-olimlar va o`qituvchilar, talabalarning birgalikdagi tadbirlarini ko`proq o`tkazish komil insonni tarbiyalashda katta samara berishini ta’kidladi va anjuman ishini yopiq deb e’lon qildi.[widgetkit id=53]
