Ushbu masala yuzasidan kafedra mudiri vazifasini bajaruvchi J.R.Toxirov so‘zga chiqib, Qonun hujjatlarida korrupsiya tushunchasiga quyidagicha ta’rif berilgan: «Korrupsiya – davlat organlari xodimlari moddiy yoki mulkiy yo‘sinda, g‘ayriqonuniy shaxsiy naf ko‘rish maqsadida, o‘z xizmat mavqeyidan foydalanishida ifodalanadigan ijtimoiy hodisadir». Aslida korrupsiya biror mansabdor shaxsning qonunchilik va axloqqa zid ravishda o‘zining boshqaruv vakolatlari va huquqlaridan shaxsiy manfaatlar maqsadida foyda olishidir.
Bunda “Pora olish” ya’ni, davlat organi, davlat ishtirokidagi tashkilot yoki fuqarolarning o‘zini-o‘zi boshqarish organi mansabdor shaxsining o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora berayotgan shaxsning manfaatlarini ko‘zlab bajarishi yoki bajarmasligi evaziga shaxsan o‘zi yoki vositachi orqali qonunga xilof ekanligini bila turib, moddiy qimmatliklar olishi yoxud mulkiy manfaatdor bo‘lishi deb belgilab qo‘yilgan.
Pedagog xodimlarning oylik maoshlari ham talab darajasida belgilangan bir vaqtda! Korrupsiyaga yo‘l berish kechirib bo‘lmaydigan holatdir. Kafedramizda bunday illatga yo‘l qo‘yilmayotgan bo‘lsada, biz pedagoglar doim hushyor bo‘lishimiz, korrupsiyani keltirib chiqaruvchi holatlarga aslo yo‘l qo‘ymasligimiz lozim. Nazoratlarni ochiq, shaffof va adolatli o‘tishiga alohida e’tibor berishimiz shart!
Shundan so‘ng Kafedra dotsenti O.K.Xurramov so‘zga chiqib, biz bugungi yig‘lishda juda muhim masalani muhokama etmoqdamiz!
Xususan, nepotizm — bu lotincha nepos - urug‘, zot, nasl, sulola va ikkinchi nepotis — nabira, jiyan so‘zlaridan kelib chiqgan. Sodda va «o‘zbekcha» qilib tushuntiradigan bo‘lsak, biror inson o‘z oila a’zolarini boshqalarga nisbatan afzal ko‘rishdir, boshqacha aytganda, o‘z yaqinlari noloyiq bo‘lsa hamki, ularga lavozim va ish topshirishdir. BMTning tegishli konvensiyasiga ko‘ra, nepotizm korrupsiyaning bir shakli sifatida hisoblanadi.
Haqiqatan ham korrupsiya davr kushandasiga aylanib borayotganligi to‘g‘risida matbuot, ijtimoiy tarmoqlarida ko‘plab materiallar e’lon qilinmoqda. Agar har bir jamoa bu salbiy illatga barham bersa, natijada butun mamlakat undan holi bo‘ladi. Mamalakat gullab yashnaydi! Biz pedagoglar zimmasida ham korrupsiyaga qarshi kurash bo‘yicha ma’suliyat mavjud. Kimki, o‘z ishiga ma’suliyat bilan qaramasa uning korrupsiyasiga yo‘l ochishga imkoniyat tug‘iladi. Shu sababli ham har birimiz vazifamizga o’ta ma’suliyat bilan qarashimiz talab etiladi.
