Korrupsiya bu — jamiyatni turli yo‘llar bilan iskanjaga oladigan dahshatli illatdir. Mazkur illat demokratiya va huquq ustuvorligi asoslariga putur yetkazadi, inson huquqlari buzilishiga olib keladi, bozorlar faoliyatiga to‘sqinlik qiladi, hayot sifatini yomonlashtiradi va odamlar xavfsizligiga tahdid soladigan uyushgan jinoyatchilik, terrorizm va boshqa hodisalar ildiz otib, gullashi uchun sharoit yaratib beradi. Universitet rektorining tegishli qarori asosida korrupsiyaga qarshi kurashish chora-tadbirlari ijrosi yuzasidan Xorijiy tillar fakultetida tarix fanlari nomzodi,dotsent S.S.Raupov tomonidan onlayn va oflayn o'quvlar tashkil etildi. Ta’kidlab o‘tish o‘rinliki, ushbu zararli hodisa katta va kichik, badavlat va kambag‘al bo‘lishidan qat’iy nazar, barcha mamlakatlarda uchraydi. Ushbu zararli illatni bartaraf etish bo‘yicha jahon hamjamiyati tomonidan bir qator samarali ishlar amalga oshirilayotgan bo‘lsa-da, hanuzgacha u bartaraf etish butun hamjamiyat oldidagi asosiy muammolardan bo'lib turganligi,uning keltirib chiqaradigan zararli oqibatlari haqida mulohaza yuritildi. Qadimgi davlatlarni mansabdor shaxslarning poraxo‘rligi qattiq tashvishga solganligi bizgacha saqlanib qolgan manbalardan ma’lum. Chunki bu holat davlatning obro‘siga juda qattiq putur yetkazardi. Shularni inobatga olgan holda universitetimizda korrupsiyaga qarshi kurash chora-tadbirlarini kuchaytirish yuzasidan qilinadigan ishlar muhokamasi ko'rib chiqildi.
