Ayni damda Buxoro davlat universiteti vakillari Buxoro viloyati musiqali drama teatrida buyuk mutafakkir Alisher Navoiyning “Xamsa” dostoni asosida sahnalashtirilgan dramatik kompozitsiya tomoshasida ishtirok etishmoqda.
Mazkur sahna asari o‘zining mazmunan boyligi, badiiy yuksakligi, nazm va navoning uyg‘unligi, chuqur ma’naviy-tarbiyaviy ahamiyati bilan tomoshabinlarda katta taassurot uyg‘otmoqda. Asarda buyuk Navoiy merosining teran falsafasi, insoniylik, ezgulik va komillikka da’vat g‘oyalari yorqin sahna talqinida namoyon bo‘lmoqda. Zero, Navoiy asarlari — buyuk bir ma’naviy daryo bo‘lib, bu daryodan bahramand bo‘lish, undan ilhom olish har bir avlod uchun bebaho maktabdir. BuxDU jamoasining mazkur teatr tomoshasida faol ishtiroki yoshlar qalbida kitobxonlik, san’at va milliy qadriyatlarga hurmat tuyg‘ularini yanada mustahkamlashga xizmat qilmoqda.
