Buxoro davlat universitetida yoshlar bilan ishlash, ularning fikr va tashabbuslarini qo‘llab-quvvatlashga qaratilgan izchil siyosat doirasida navbatdagi muhim tadbir — Yoshlar ittifoqi boshlang‘ich tashkiloti tashabbusi bilan tashkil etilgan “Coffee time” loyihasi doirasida ochiq muloqot bo‘lib o‘tdi. Mazkur uchrashuvda Buxoro davlat universiteti rektori, professor Obidjon Xamidov boshchiligidagi universitet rahbariyati: Yoshlar masalalari va ma’naviy-ma’rifiy ishlar bo‘yicha birinchi prorektori Akmal Nazarov, Xalqaro hamkorlik bo‘yicha prorektori Abror Jo‘rayev hamda faol, tashabbuskor talaba-yoshlar ishtirok etdilar.
Noan’anaviy va samimiy formatda tashkil etilgan uchrashuv BuxDU bosh binosida joylashgan Fransiyaning mashhur Vatel turizm va biznes oliy maktabi kafesida bo‘lib o‘tdi. Ushbu muhit talabalarga o‘z fikrlarini erkin bildirish, rahbariyat bilan bevosita va ochiq muloqot qilish imkonini yaratdi hamda o‘zaro ishonchni yanada mustahkamlashga xizmat qildi.
Uchrashuv davomida talabalar tomonidan universitet hayotini yanada rivojlantirishga qaratilgan qator muhim tashabbus va takliflar ilgari surildi. Xususan:
Shuningdek, uchrashuvda ekofaol talabalar faoliyati, volontyorlar tomonidan amalga oshirilayotgan loyihalar, universitet hududi tozaligi va ekologik madaniyatni yuksaltirish masalalariga alohida e’tibor qaratildi. Rektor Obidjon Xamidov universitet hududi tamaki mahsulotlaridan holi hudud ekanini ta’kidlab, ushbu talabni barcha talabalarga yetkazish zarurligini qayd etdi. Universitet hududini toza, yashil va ekologik barqaror makonga aylantirish ekofaol talabalarning bosh maqsadi ekani alohida ta’kidlandi.
Mazkur maqsadlarni amalga oshirish doirasida elektromobillardan foydalanishni targ‘ib qilish, universitet issiqxonasida yetishtirilayotgan gullarni atrof-muhitni obodonlashtirishga yo‘naltirish, energiya tejamkorligini ta’minlash bo‘yicha reydlar o‘tkazish, auditoriyalarda maqsadsiz ishlayotgan chiroqlarni o‘chirish, “Bir kun plastik buyumlarsiz” aksiyasini tashkil etish hamda “Eko-gid” loyihasini joriy etish kabi takliflar bildirildi.
Uchrashuv davomida talabalar tomonidan rektorning talabalik yillari va hayotiy tajribasi yuzasidan berilgan savollar samimiy suhbat ruhini yanada boyitdi.
Mazkur “Coffee time” uchrashuvi Buxoro davlat universitetida yoshlar tashabbuslarini qo‘llab-quvvatlash, ekologik mas’uliyatni kuchaytirish hamda talaba-yoshlar va rahbariyat o‘rtasida ochiq, samarali va ishonchli muloqot muhitini mustahkamlashga xizmat qiluvchi muhim platforma sifatida e’tirof etildi.
✨ Yoshlar tashabbusi — kelajak poydevori!
