Xitoy Xalq Respublikasining Shenzhen shahrida bo‘lib o‘tgan 16-Shenzhen Konfutsiy madaniyati festivali hamda 2-Shenzhen xalqaro Konfutsiylik biznes forumi doirasida Milliy yangi konfutsiylik biznes guruhlari qo‘shma konferensiyasi va Milliy korporativ konfutsiylik guruhlari qo‘shma konferensiyasi tashkil etildi.
Mazkur nufuzli tadbirlarda Buxoro davlat universiteti professor-o‘qituvchilari faol ishtirok etdilar. Jumladan, Iqtisodiyot kafedrasi katta o‘qituvchisi G. S. Narzullaeva “Confucian Values and Global Competitiveness: Sustainable Development Strategies in Women’s Entrepreneurship” hamda Marketing va menejment kafedrasi katta o‘qituvchisi M. X. Ashurova “Aspects of the Application of Confucian Teachings in Modern Corporate Governance” mavzularida ma’ruzalar bilan ishtirok etdilar.
Mazkur chiqishlar xalqaro ilmiy hamjamiyat tomonidan katta qiziqish bilan kutib olinib, Konfutsiy ta’limotining zamonaviy iqtisodiyot, biznes boshqaruvi va ayollar tadbirkorligini rivojlantirishdagi o‘rni muhokama qilindi. Buxoro davlat universiteti xalqaro ilmiy hamkorlik aloqalarini izchil kengaytirib bormoqda.
