Mazkur tadbirda BuxDU professor-o‘qituvchilari hamda O‘zbekiston-Yaponiya yoshlar innovatsiya markazi delegatsiyasi a’zolari ishtirok etishdi. Jumladan, O‘zbekiston-Yaponiya yoshlar innovatsiya markazi direktori, texnika fanlari nomzodi Saidmurod Niyazbekov, Ilmiy ishlarni tijoratlashtirish bo'yicha direktor o'rinbosari Sunnatulla Aliyev, ilmiy ishlar bo‘yicha yaponiyalik mutaxassisi Yuki Yanagida, Konchilik ishi va mineral xom ashyolarni chuqur qayta ishlash labaratoriyasi mudiri Berdax Daniyorov ishtirok etishdi.
Tadbirni Buxoro davlat universiteti Xalqaro hamkorlik bo‘yicha prorektori, iqtisodiyot fanlari nomzodi, dotsent Abror Jo‘rayev kirish so‘zi bilan ochib berdi. U o‘z nutqida oliygohning xalqaro miqyosdagi o‘rni va Yaponiya kabi texnologik rivojlangan davlatlar bilan o‘rnatilayotgan hamkorlik aloqalari yosh tadqiqotchilar uchun yangi ufqlarni ochishini alohida ta’kidladi.
Uchrashuv davomida Islom Karimov nomidagi Toshkent davlat texnika universiteti qoshidagi O‘zbekiston-Yaponiya yoshlar innovatsiya markazi direktori, texnika fanlari nomzodi Saidmurod Niyazbekov so‘zga chiqdi. U markaz faoliyati, undagi zamonaviy laboratoriyalar, yoshlar uchun yaratilgan imkoniyatlar hamda yaponiyalik hamkorlar bilan birgalikda amalga oshirilayotgan loyihalar haqida batafsil taqdimot qildi.
Shuningdek, uchrashuvda xalqaro ekspert, O‘zbekiston-Yaponiya yoshlar innovatsiya markazi ilmiy ishlar bo‘yicha yaponiyalik mutaxassisi Yuki Yanagida ishtirok etdi. Uning "Satreps hydrogen of Uzbekistan, for Uzbekistan, By Uzbekistan" mavzusidagi ma’ruzasi yig‘ilganlarda katta qiziqish uyg‘otdi. Ma’ruzada O‘zbekistonda vodorod energetikasini rivojlantirish istiqbollari va bu boradagi yapon texnologiyalarining o‘rni tahlil qilindi.
Mavzu doirasida professor-o‘qituvchilar va delegatsiya a’zolari o‘rtasida qizg‘in muhokamalar o‘tkazildi. Tomonlar energetika, innovatsiya va texnologiyalar transferi yo‘nalishida tajriba almashishdi.
Tadbirning eng ahamiyatli qismi sifatida Buxoro davlat universiteti hamda O‘zbekiston-Yaponiya yoshlar innovatsiya markazi o‘rtasida hamkorlik memorandumi imzolandi.
Mazkur memorandum:
