O‘zbekiston Respublikasida turizm sohasini rivojlantirish yo‘lida fidokorona mehnati uchun “Turizm fidoyisi” ko‘krak nishoni (2020) bilan taqdirlangan, xalqaro investor hamda ta’limda fransuz–o‘zbek hamkorligi tashabbuskori bo‘lgan Fransiyalik Katerina Uiterdik xonim hamda Buxoro davlat universiteti rektori, professor Obidjon Xamidov boshchiligida bo‘lib o‘tgan uchrashuv xalqaro hamkorlikni yangi bosqichga olib chiqishda muhim ahamiyat kasb etdi.
Uchrashuv davomida xalqaro tajribaga tayangan holda ta’limda ochiqlik, xorijiy tillarni — xususan fransuz tilini boshqa ta’lim yo‘nalishlari bilan integratsiyalash, shuningdek, xalqaro akademik almashinuvlar va institutsional hamkorliklarni kengaytirish masalalari atroflicha muhokama qilindi.
Xususan, Yevropaning nufuzli oliy ta’lim muassasalari tajribasi asosida:
fransuz tilini faqat filologiya emas, balki boshqaruv, iqtisodiyot, siyosat, logistika va xalqaro munosabatlar bilan uyg‘unlashtirish,
LEA (Applied Foreign Languages) kabi zamonaviy va amaliy yo‘naltirilgan dasturlarni joriy etish,
talabalarning xalqaro maydondagi raqobatbardoshligini oshirish va ularni global akademik makonga olib chiqish zarurligi alohida ta’kidlandi.
Shuningdek, institutsional hamkorlik bitimlari ta’limning barqaror rivoji, talabalar va professor-o‘qituvchilar uchun xalqaro imkoniyatlarni kengaytirishda muhim omil ekani qayd etildi.
Mazkur uchrashuv Buxoro davlat universitetining xalqaro nufuzini mustahkamlash, ta’lim, xususan menejment, siyosiy ta'lim, ijtimoiy ishlar hamda turizm sohalarida hamkorlikni olib borish maqsadida Fransiyaning Parij siyosiy fanlar instituti (Sciences Po Paris reytingida 367-o'rinda) hamda Normandiya menejment oliy maktabi (École de Management de Normandie bilan hamkorlik o'rnatish yuzasida muhim qadam bo'ldi. Suhbat davomida hozirda BuxDU Fransuz filologiyasi kafedrasida faoliyat olib borayotgan professor Miriyam Mark-Jermen xonimning talabalar va professor-o'qituvchilarga fransuzcha ta'lim hamda uzoq yillik tajribalarini almashayotgani alohida tilga olindi. Uchrashuv ishtirokchilari BuxDU Fransuz filologiyasi kafedrasi mudiri O.Bobokalonov hamda Xalqaro hamkorlik departamenti boshlig'i Sh.Sharofiddinovga Xalqaro hamkorlikni ijrosini ta'minlash yo'lida muhim topshiriqlar belgilandi va qatnashuvchilar tomonidan bunday hamkorlik ikki mamlakat ta'limi rivojida muhim ekanligi e'tirof etildi.
