Raqamli texnologiyalar vazirligida bo‘lib o‘tgan ICPC Uzbekistan 2025 dasturlash olimpiadasining mintaqaviy chorak final (respublika bosqichi)ida Buxoro davlat universiteti jamoasi munosib ishtirok etdi.
Mazkur nufuzli musobaqa International Collegiate Programming Contest (ICPC) olimpiadasining muhim bosqichlaridan biri bo‘lib, unda O‘zbekistonning yetakchi oliy ta’lim muassasalari talabalari o‘z bilim va mahoratlarini sinovdan o‘tkazdilar. BuxDU jamoasi algoritmik masalalarni yechish, mantiqiy fikrlash va jamoaviy ishlash ko‘nikmalarini yuqori darajada namoyon etdi.
Olimpiada ishtirokchilari va ularning murabbiylarini ushbu muvaffaqiyat bilan tabriklaymiz!
Ularning keyingi bosqichlarda ham yuqori natijalarga erishishlariga ishonch bildiramiz.
