Buxoro davlat universiteti va Buxoro shahridagi Prezident maktabi o‘rtasida ta’lim sifatini oshirish, pedagogik va metodik kompetensiyalarni mustahkamlash, shuningdek, Cambridge o‘quv dasturi standartlariga muvofiq innovatsion ta’lim yondashuvlarini joriy etish maqsadida hamkorlik memorandumi imzolandi.
Hamkorlikning asosiy yo‘nalishlari talabalarda ilmiy qiziqish, innovatsion fikrlash va amaliy ko‘nikmalarni rivojlantirish uchun seminarlar, treninglar va interfaol mashg‘ulotlar tashkil etish; Cambridge o‘quv dasturiga mos pedagogik va metodik materiallarni tayyorlash va innovatsion o‘qitish amaliyotlarini rivojlantirish; universitet talabalari Prezident maktabida o‘quv mashg‘ulotlarini kuzatish va faol ishtirok etish orqali pedagogik tajriba orttirish; o‘zaro foydali hamkorlik orqali xalqaro akademik aloqalarni mustahkamlash va ilg‘or tajribalarni almashishdan iborat.
Ushbu memorandum ikki tomonning ta’lim va ilmiy-tadqiqot jarayonlarini yanada samarali qilish hamda yosh avlodni innovatsion va ijodiy rivojlantirishga qaratilgan qo‘shma ishlarini mustahkamlashga xizmat qiladi.
