Buxoro davlat universitetida o‘tkazilgan “CAVA College University Volleyball Championship 2025” xalqaro musobaqasida Markaziy Osiyo davlatlari talabalari o‘rtasida sport do‘stligini mustahkamlashga qo‘shgan hissasi va yuksak tashkilotchilik faoliyati uchun Buxoro davlat universiteti jamoasi nomidan Buxoro davlat universiteti rektori, professor Obidjon Xamidov O'zbekiston Voleybol Federatsiyasi tomonidan taqdirlandi.
Ushbu e’tirof BuxDU jamoasining xalqaro miqyosdagi sport va ta’lim sohasida faol hamkorlik olib borayotgani, yoshlar o‘rtasida sog‘lom turmush tarzini targ‘ib etish borasidagi tashabbuslarini yuksak darajada e’tirof etish ifodasidir.
