Buxoro davlat universiteti va IIV Akademiyasi hamda Viloyat IIB SHTBIX mas’ul xodmlari bilan hamkorlikda 2015 yil 4 fevralda yig`ilish o`tkazildi. IIV Akademiyasi STTOK maxsus fanlar tsikli katta o`qituvchisi podpolkovnik D.A.Alautdinov va viloyat IIB SHTBIX boshlig`ining o`rinbosari mayor Sh.Sh.Jalolov, universitet professor o`qituvchilari, devonxona xodimlari va talabalar ishtirok etishdi.Tadbirda O`zbekiston Respublikasining 2014 yil 3 dekabrdagi “Jismoniy va yuridik shaxslarning murojaatlari to`g`risida”gi O`RQ – 378-sonli qonunining mazmun-mohiyatini talaba yoshlarga o`rgatish orqali ularning xuquqiy ongini oshirish masalasi qo`yildi. SHu bilan birga O`zbekiston Respublikasi IIV Serjantlar tarkibini tayyorlash bo`yicha oliy kurslari, IIV oliy ta’lim muassasalari hamda viloyat ichki ishlar idoralarining ofitserlar tarkibi lavozimlariga qabul tanlovining e’lon qilinganligi munosabati tanlov tartibi va nomzodlarga qo`yilgan talablar bilan yig`ilish ishtirokchilari tanishtirildi.Buxoro davlat universitetida 150 dan oshiq talabalarga “Fuqarolarning murojaatlari to`g`risida”gi Qonun davlat organlari va boshqa tashkilotlarning ushbu sohadagi ishini sifat jihatidan yuqori darajaga ko`tarish imkonini berishi to`g`risida ma’ruza o`qib berdi. Qiziqarli ma’ruzadan so`ng ushbu qonunning mazmun mohiyati bo`yicha savol javoblar bo`lib o`tdi. Talabalar tomonidan berilgan savollariga javoblar berildi.
