Bugungi kunda internet va raqamli texnologiyalar hayotimizning ajralmas qismiga aylangan. Afsuski, bundan kiber firibgarlar ham faol foydalanmoqda. Ular turli yolg‘on xabarlar, shubhali havolalar, soxta qo‘ng‘iroqlar va xabarlar orqali fuqarolarning ishonchiga kirib, shaxsiy va moliyaviy ma’lumotlarini qo‘lga kiritishga harakat qilmoqda.
Yaqinlaringizni bunday xavflardan asrash uchun ularga kiber xavfsizlik qoidalarini tushuntiring. Hech qachon karta ma’lumotlari, parollar va SMS-kodlarni begona shaxslarga bermaslik, noma’lum manbalardan kelgan xabarlarga ishonmaslik hamda shubhali havolalarga kirmaslik lozimligini eslatib turing. Ilovalar faqat rasmiy manbalardan yuklab olinishi, qurilmalarga antivirus dasturlari o‘rnatilishi va dasturlar muntazam yangilanib borilishi muhim.
Unutmang, o‘z vaqtida berilgan ogohlik va to‘g‘ri maslahat yaqinlaringizni kiber firibgarliklardan asrashda muhim rol o‘ynaydi. Hushyor bo‘ling, yaqinlaringiz xavfsizligini birgalikda ta’minlaylik!
VIDEONI KO'RISH
