2025-yil 15-dekabr kuni Buxoro davlat universiteti Differensial tenglamalar kafedrasida kibermadaniyatni yuksaltirish hamda kibergigiyena ko‘nikmalarini shakllantirishga bag‘ishlangan targ‘ibot-tashviqot tadbiri tashkil etildi.
Mazkur tadbirda professor-o‘qituvchilar va talabalar ishtirok etib, axborot xavfsizligi, internetdan to‘g‘ri va mas’uliyatli foydalanish, shaxsiy ma’lumotlarni himoyalash hamda kiberxavflarning oldini olish masalalari bo‘yicha batafsil tushuntirishlar berildi.
Shuningdek, ishtirokchilarga kibermakonda uchraydigan tahdidlar, firibgarlik holatlari va zararli dasturlardan himoyalanish usullari yuzasidan amaliy tavsiyalar taqdim etildi. Tadbir yakunida mavzu doirasida savol-javoblar o‘tkazilib, ishtirokchilarning bilim va ko‘nikmalarini mustahkamlashga alohida e’tibor qaratildi.
